A. C. FUCO BUXÁN

Na Galería Sargadelos tivo lugar a rolda de Prensa da Plataforma de Defensa da Sanidade Pública, da que Fuco Buxán forma parte, para anunciar a mobilización contra os recortes, a privatización e en defensa da Sanidade Pública, convocada para o martes, 4 de decembro ás 19 hs, fronte ao Edif. da Xunta de Galicia. Manifesto: A TODA A CIDADANÍA Álbum fotográfico   A A.C. Fuco Buxán, integrante da Plataforma en Defensa da Sanidade Pública de Ferrolterra , súmase e convida a participar na CONCENTRACIÓN convocada para o martes, 4 de Decembro, ás 19 hs , diante do Edificio da Xunta de Galicia (Praza Amada García, Ferrol). A saúde non é un negocio, é un dereito. Nin repago, nin desmantelamento, nin privatización. Polo dereito a un sistema público, universal e gratuito. Mobiliza-te !!

Nesta entrada queremos informarvos das incribles taxas e procedementos para cobrar aos inmigrantes ilegais polos centros dependentes do Servizo Galego de Saúde. Uns documentos que demostran o clasismo instaurado na sociedade política e o desprezo ás necesidades que poidan pasar persoas necesitadas con graves problemas económicos. Ollo, a partires de agora, calquera persoa que non teña modo de pagar estas taxas poderá aparecer xa cadáver nas rúas. Ollo, agora ben o frío. Onde está o estado de benestar, ¿quen o levou? Tan so uns poucos son os agraciados de desfruta-lo. DECRETO CONSELLERÍA DE SANIDADE DECRETO 221/2012, do 31 de outubro, polo que se establecen as tarifas dos servizos sanitarios prestados nos centros dependentes do Servizo Galego de Saúde e nas fundacións públicas sanitarias. http://www.xunta.es/dog/Publicados/2012/20121121/AnuncioC3K1-091112-0002_gl.pdf ORDE CONSELLERÍA DE SANIDADE ORDE do 16 de novembro de 2012 pola que se establece o procedeme

Estupenda segunda sesión da homenaxe a Celso Emilio Ferreiro coa actuación de María Manuela acompañada de Xurxo V a rela. Presentou Rosa Méndez, en nome do Ateneo Ferrolán e Fuco Buxán. E recitaron a poesía de Celso Emilio: Rosa Méndez, Helga Méndez, Lorena Calaza, Xosé Leira e Fernando Ocampo.  Todo moi ben amenizado por unha estupenda actuación musical de María Manuela. Toda unha homenaxe a Celso Emilio Ferreiro que fixo achegarse a súa figura e a súa obra. TEMPO DE CHORAR Hei de chorar sin bágoas duro pranto polas pombas de luz aferrolladas, polo esprito vencido baixo a noite da libertá prostituída. As espadas penduran silandeiras coma unha chuvia fría diante os ollos e teño que chorar na sombra fuxidía diste pútrido vento que arromba a lealtá e pon cadeas no corazón dos homes xenerosos. Pois que somente os ollos me deixaron para chorar por iles longos ríos, hei navegar periplos, descubertas por tempos que han de vir cheos de escu

O Ateneo Ferrolán e A.C. Fuco Buxán organizan a segunda sesión do HOMENAXE A CELSO EMILIO FERREIRO no seu centenario. Xa puidemos desfrutar na primeira dunhas excelentes charlas sobre o pensamento, os amigos, as costumes, e os entornos sociais que no se desenvolvera Celso Emilio. Toda unha honra acercarse a súa vida e coñecela para poder desfrutar e valorar mellor hoxe en día a súa herdanza literaria. Este vindeiro martes, día 27 de novembro, ás 19,30 horas na Galería Sargadelos , Ferrol , celebrarase un   ACTO POÉTICO – MUSICAL : Presenta:   Rosa Méndez, en nome do Ateneo Ferrolán e Fuco Buxán. Recitan:   Rosa Méndez, Helga Méndez, Lorena Calaza, Xosé Leira e Fernando Ocampo. Actuación Musical: MARÍA MANUELA   acompañada de Xurxo Varela. Achégate máis a Celso Emilio Ferreiro .  No volo podedes perder, pagará a pena. Vémonos alí !

Nesta entrada podes encontrar algúns consellos básicos e documentos que pode n se r útiles na negociación co banco ou durante un proceso de execución hipotecaria . Só tes que enchelos cos teus datos persoais. Ten en conta que se queres negociar cunha entidade financeira é moi importante que quede constancia de todo por escrito, e polo tanto, debes entregar unha copia do documento en cuestión á entidade e pedir que che selen outra para ti. Se tes documentos que queiras compartir cos demais, porque crees que a outras persoas pódenlles ser útiles, por favor envíaos a escolmaderazons@gmail.com e colgarémolos nesta sección!! Trátase de compartir recursos e axudarnos mutuamente. Toda a documentación e recursos que ofrece a Plataforma son totalmente gratuítos. Os documentos útiles son froito do coñecemento compartido e as experiencias das persoas afectadas ou sensibilizadas ante a inxustiza hipotecaria e a vulneración sistemática do dereito á vivenda. Non obstan

O vindeiro día 25 de novembro celebrarase o Día Internacional Contra a Violencia Machista polo que a Marcha Mundial das Mulleres convoca unha xuntanza ás 12:00 Horas na Praza de Galicia en Narón . "Poñámoslle cara á violencia  que non se quere ver" Todos e todas debemos poñerlle freo á violencia machista que empobrece a nosa sociedade. Os malos tratos non son un asunto privado, é un problema social que se combate coa TOLERANCIA CERO ante calquera comportamento machista. Para máis información: h ttp://feminismo.info  

Nestes días estamos a vivir unha nova ofensiva criminal de Israel contra a poboación civil de Gaza. Os bombardeos son continuos e o número de vítimas mortais non deixa de aumentar. Desde esta páxina iremos publicando os distintos actos solidarios, achega a túa convocatoria. Actos convocados: - Compostela, venres 16, ás 20:00h, praza do Toural. - Ourense, sábado 17, ás 20:00h, praza Maior. - A Coruña, luns 19, ás 20:30h, o Obelisco. - Vigo, luns 19, ás 20:30, ás  Farol de Príncipe. - O Barco de Valdeorras, luns 19, ás 20:30, fronte ao Concello. - Ferrol, luns 19, ás 20:30, fronte ao edificio administrativo da Xunta. - Cangas, luns 19, ás 20:00, fronte ao Concello. Cartel de los crímenes de guerra de Gaza Impresiones Por InsidePalestine Ver los demas posters por medio de zazzle.es

Ateneo Ferrolán e A.C. Fuco Buxán organizan: HOMENAXE A CELSO EMILIO FERREIRO no seu centenario.   O vindeiro martes, 20 de novembro, ás 19,30 hs, na Galería Sargadelos de Ferrol. Presenta: Fernando Ocampo Montesinos en nome do Ateneo e de Fuco Buxán. Interveñen: Enrique Barrera Beitia , Historiador “ O contexto político-social da época” e José Luis Forneiro Pérez , Profesor de Filoloxía Galego-Portuguesa da USC. “ Vida e obra de Celso Emilio”. Haberá tamén un Recital Poético – Musical e unha Exposición Bibliográfica da obra de Celso Emilio Ferreiro. Entrada de balde, alí vós esperamos.

A A.C. Fuco Buxán celebra cos Sindicatos e a cidadanía o éxito de participación na xornada de Folga Xeral e nas manifestacións. Onte o pobo respondeu, hai que estar orgullosos de que entoemos moita xente unha mesma cántiga, a cántiga do benestar, do cambio, do xa está ben. Por iso, desde Fuco Buxán, animamos a que non decaia a digna loita contra a Inxustiza Social. Todos.as xuntos/as SI PODEMOS !! Álbum fotográfico Diario de Ferrol  

  Este 14-N o Colectivo Opaíí! - Rádio FilispiM, se suma dende as ondas e a rúa a XORNADA EUROPEA DE LUITA XERAL. Dende as 9:00 da manhá, o dial de Rádio FilispiM, 93.9 FM, redifundirá o PROGRAMA ESPECIAL que se realizará desde a radio comunitária de A Corunha, CUAC FM. Xa na tarde, a partir das 18:00 h., Rádio FilispiM, 93.9 FM realizará un PROGRAMA ESPECIAL dende o seu estudio en Caranza, continuando a cubrir a XORNADA DE LUITA e AVALIANDO O ACONTECIDO ATÉ ESE MOMENTO, en Ferrol-Terra. Desta maneria Rádio FilispiM, dará cobertura informativa da XORNADA DE LUITA do 14-N, dende primeira hora da manhá e até entrada a noita, coa colaboración de Cuac FM. Rádio FilispiM, na rúa. Moitos dos integrantes do Colectivo Opaíí!-Rádio FilispiM estarán nas rúas da nosa comarca, participando nos piquetes, dando cobertura informativa, con toma de sonido e recompilando datos que servirán de apoio ao programa especial da tarde, en Rádio FilispiM, 93.9 FM. Participa no programa especial d

    Un grupo de seis xuíces, coordinados polo vogal do Consello Xeral do Poder Xudicial (CGPJ) Manuel Almenar elaborou un informe no que propón 18 medidas para cambiar o sistema español de desafiuzamentos e paliar o "auténtico drama" no que están envolvidas numerosas familias, estas son:   18 medidas :   1. Determinar o concepto de debedor hipotecario de boa fe, como suxeito de aplicación de medidas excepcionais na materia. Serían afectados só por execucións hipotecarias en vivenda habitual ou locais de negocio.   2. Elevación do denominado albor de exclusión para flexibilizar os requisitos estritos que establece o Código de Boas Prácticas aprobado polo Goberno.  3. Regulación imperativa en determinadas circunstancias da dación en pagamento. 4. Establecemento dun réxime especial no caso de execucións hipotecarias de vivendas habituais ou locais de negocio, no sentido postulado polo Valedor do pobo. consumidores para favovecer solucións negociadas.   5. Limi

  O vindeiro Xoves 15 de Novembro as sete do serán terá lugar no Local da Asociación Fuco Buxán a charla-debate sobre feminismo co lema : “Violencia de xénero , ¿en que punto estamos?”.  As Relatoras serán: Ánxela Lagoa e Loreto Primo, representantes da Marcha das Mulleres en Ferrol. Moderan: Susana Alaniz e Lucia Vizoso. Hora: 19 horas Sede : Local da Asociación Fuco Buxán, rúa Armada Española nº 32 B Caranza Ferrol.

Acabar coa criminalización das persoas inmigrantes,  máis un motivo para a folga do 14N O Foro galego de inmigración vén de sumar a súa voz á dos numerosos colectivos sociais que secundarán o paro desta cuarta feira. Apuntan que desta volta hai aínda "máis razóns que nunca" para se botar ás rúas B.V hai 1 día O Foro galego de inmigración, do cal fan parte asociacións e entidades que brindan atención a persoas inmigrantes na Galiza, vén de facer público o seu chamamento á folga xeral do 14 de novembro "con máis razóns que nunca". Entre tales motivos, cita a plataforma a aprobación do Real decreto 16/2012 "que nega o acceso á sanidade pública das persoas que se atopan en situación irregular". Consideran "moi grave" a "restrición" dun dereito fundamental, e mostran a súa "desconfianza" co "parche" da consellaría de Sanidade, unha instrución aprobada cando os comicios do 21 de outubro estaban x

De 14 N - Folga Xeral !   A A.C. Fuco Buxán súmase á Folga Xeral do 14-N convocada por todos os Sindicatos, porque sobran razóns: ¡Non ao saqueo do pobo! ¡Hai culpables! ¡Hai solucións!. Participemos activamente nos piquetes informativos : Concentración na Praza de Armas as 12 da noite, e as 5 da madrugada. Manifestación : 12 hs. Desde o Inferniño a Praza de Armas.

  Carteis Folga da 14 N - Folga Xeral !    Alianza Social Galega acorda de maneira unánime, sumarse á folga xeral do 14-N e facer público un manifiesto subscrito por as oganizacións e entidades que formamos parte da Alianza. MANIFIESTO: As organizacións e entidades que formamos parte da Alianza Social Galega subscribimos un manifesto fundacional no que rexeitamos as políticas de recortes sociais e de dereitos desenvolvidas polos Gobernos de Galicia e do Estado desde maio de 2010, que nos levan a un cambio de modelo social e, polo tanto, a unha sociedade máis inxusta e menos igualitaria. O empobrecemento masivo, a eliminación progresiva do dereito do traballo e o desmantelamento dos mecanismos e redes de protección social son políticas neoliberais que pretenden acabar co estado do benestar e esixen unha mobilización contundente. A Alianza Social Galega acorda de maneira unánime, na súa reunión do 31 de outubro de 2012, sumarse á folga xeral porque comparte

Onte, na Praza de Armas de Ferrol, en réxime de autoconvacatoria, celebrouse unha concentración en repulsa aos Desafiuzamentos e en solidariedade coas vítimas da Banca. Participou no acto, no que interviron varios dos asistentes, unha ampla representación da Rede de apoio mútuo Ferrolterra, sindicalistas, representantes do tecido asociativo, membros do PSOE, BNG, EU, A Nova, e cidadáns e cidadás a título personal.  Ver álbumfotográfico.

Diferentes organizacións e entidades que representamos a sociedade civil galega constituímos a ALIANZA SOCIAL GALEGA para darmos unha resposta colectiva ás nefastas políticas antisociais que, seguindo os ditados da Unión Europea, están desenvolvendo os Gobernos de Galicia e o Estado, con consecuencias moi graves para as condicións de traballo e de vida da maioría social. Referímonos ás políticas que se veñen aplicando, especialmente desde maio de 2010, que atenden só aos intereses dos mercados ou, o que é o mesmo, da banca e do capital financeiro internacional, que mediante o seu neoliberalismo depredador mingua e pretende reducir á mínima expresión, cando non finiquitar, o. Políticas que o PP está intensificando desde que chegou ao poder no Estado. Un PP que subiu o IRPF das clases traballadoras, mentiu dicindo que incrementaban as pensións cando o incremento era absorbido polo IRPF, conxelou o SMI e o IPREM —que serven de referencia para moitos salarios e prestacións sociais—,

A Asociación Fuco Buxán desexa facer chegar á opinión pública a súa fonda preocupación ante un novo chanzo descendido nun proceso involutivo constante onde se vulneran- causando unha cada vez maior alarma social- os dereitos dos cidadáns. O último eslavón desta cadea de comportamentos inadmisibles por parte do Goberno do PP, constituiríao o sucedido coa cidadá Silvia Casal Sabín, a cal, sendo inocente de todo delito - como o testemuña a posterior posta en liberdade sen cargos por orde xudicial-, viuse envolta nun pesadelo que pasa por unha detención absolutamente desproporcionada e da que foi testemuña toda a veciñanza .   L amentable episodio na que se viu envolto un fillo seu, unha criatura lactante, seguida dun traslado a Madrid, ao que hai que engadir un linchamento mediatizado por parte de certa prensa, da súa honorabilidade e a súa persoa. Ao solidarizarmos con Silvia, non queremos deixar de facernos eco das denuncias que o seu caso levantou por parte

     Conferencia e Exposición fotográfica: AUSCHWITZ – BIRKENAU (Unha mirada ao pasado) fotografías de Daniel Candal. Organizan: A.C. Fuco Buxán e Asoc. Memoria Histórica Democrática. Conferencia: Sábado 10 de novembro, ás 19 hs, no Centro Cívico de Caranza – Ferrol. Intervirán: Enrique Barrera Beitia, Historiador e Daniel Candal Álvarez, fotografo e autor da exposición. Exposición: do 27 de outubro ao 17 de novembro , no Centro Cívico de Caranza - Ferrol.   http://www.auschwitzlaexposicion.es

  Unha proposta de obxectivos e orde do día para a XV Asemblea Plenaria do proceso de construción do Encontro Social de FerrolTerra e da Rede de Apoio Mutuo. Día: Martes 6 de Novembro. Lugar: Local Asociación Veciñal de Esteiro. de 19 a 21 horas. Obxectivo da reunión: • Recibir información da Asemblea da Cooperativa Arméria e dos próximos pasos a dar na constitución legal da entidade. • Deliberar e acordar sobre a Rede de Apoio Mutuo e os casos de desafiuzamento pendentes. • Deliberar e acordar sobre a Folga Xeral do vindeiro 14 de Novembro. • Debater e avaliar a situación da Comarca. • Avaliar os avances do Encontro. Coa seguinte orde do día: 1º Asemblea Xeral de Arméria do pasado 27 de Outubro (Aprobación de Estatutos, nomeamento do Consello Reitor e Interventor/a, trámites legais, ...). 2º Local de Arméria. 3º Informacións (se as houber): plataforma sanidade, plataforma malgasto, colectivo defensa dos espazos públicos, ... 4º Volveu funcionar a Rede de Apoio Mutuo, no caso

O Noso Vicepresidente Rafael Pillado participará, o martes 6 de novembro, como conferenciante nun Curso da Universidade de Valladolid, que leva por título: “La otra Historia de la Transición Española”, co tema: “Grandes procesos judiciales represivos: El Proceso 1001 y el Juicio de los 23 de Ferrol. La Ley de Amnistía” . Participan tamén outros sindicalistas históricos: Miguel Zamora, de CCOO de Aragón e Eduardo Saborido, de CCOO de Andalucía (ambos encausados no Proceso 1001). Estos actos forman parte da actividade universitaria “La Uva en Curso” e se están a celebrar en diferentes datas dos meses de outubro e novembro. Engádese programa. Rafael, en Valladolid, o pasado maio con motivo da presentación das súas Memorias Colectivas :