Asociación Cultural Fuco Buxán

Vídeo e audio da presentación do libro "La revolución árabe" de Mohamed Safa

Vídeo da presentación do libro na nosa canle de YouTube:



Audio da presentación do libro na nosa canle de Ivoox, para escoitar on-line ou descargalo no teu dispositivo:


Puntualización do CCE sobre a entrada do último gaseiro

Puntualizacións sobre a entrada a Reganosa do gaseiro “Al Utouriya”

Con motivo da entrada na Ría, o pasado martes,  do gaseiro “Al Utouriya”, cargado de GNL, os medios de comunicación daban a noticia como un novo fito para REGANOSA. ¡O maior gaseiro que entrou ata agora!.
Certo é que polas súas dimensións é o maior dos que entraron, o que nunha primeira lectura traduciríase como un éxito polo abaratamento de custos, con todo  isto non é así. Aínda que o gaseiro é o maior, veu con 2/3 da súa carga nominal. En concreto descargou, entre os días 25 e 26 de abril, 140.500 m3 (datos de Enagas Gestor), cando a súa capacidade máxima, e así o anunciaban aos catro ventos, é de 215.000 m3.
A razón pola que veu con carga reducida é moi sinxela: a canle de entrada está limitado en calado. Este buque ten un calado máximo de 12,3 metros, pero entrou con 11,1 porque está obrigado a deixar unha marxe respecto ao fondo dun 12 % do seu calado.
Unha vez máis queda en evidencia que a localización da planta en Mugardos non é a idónea, deixando aparte o risco para a poboación,  polas limitacións para a entrada e saída de gaseiros, problema que non se daría se se situase a Planta no Porto Exterior, como se planificou inicialmente, e que se cambiou para o interior da Ría para dar beneficio exclusivamente aos promotores de REGANOSA, nunha clara manobra de corruptela económica auspiciada polo goberno do Partido Popular.

Presentación do nº40 da Revista de Fuco Buxán e conferencia de Cristina Fallarás - Xoves 27 de abril, 19:30h, C. Torrente Ballester

A A. C. FUCO BUXÁN convídate á próxima presentación do Nº40 de FUCO BUXÁN - a revista, que enmárcase dentro da conferencia “Xornalismo, poder mediático e prensa alternativa” impartida por Cristina Fallarás que terá lugar o o vindeiro xoves 27 de abril ás 19.30h no Centro Cultural Torrente Ballester, na Sala de Proxectos.



Cristina Fallarás Sánchez (Zaragoza, 1968) é periodista (Universidade Autónoma de Barcelona) e escritora. Na súa traxectoria como periodista destaca a súa faceta como directora de diario16.com así como da edición catalana de El Mundo. Tamén, traballou en Cadena Ser, Radio Nacional de España, El Periódico de Cataluña, Antena 3 TV e Telecinco. Actualmente participa no programa Las Mañanas de Cuatro e podemos ler os seus artigos no diario dixital ctxt.es.

Como escritora, cabe destacar a obra ‘Las niñas perdidas’, pola cal foi galardonada co Premio de Novela Negra L'H Confidencial 2011 e Premio Hammett 2012 (Semana Negra de Gijón), convertíndose con este último na primeira muller en recibilo en toda a historia do galardón.

A Marcha Mundial das Mulleres convida a unha Batukada feminina




O próximo 30 de abril, no Carballo Calero, a Marcha Mundial das Mulleres convida a unha Batukada feminina. De 11h a 14h será o taller de instrumentos, e de 16h a 19h a batukada.

Concentración contra a entrada do gaseiro nº223, o máis grande ata agora




Estando prevista, a entrada na Ría do gaseiro nº 223, cargado con GNL- "Al Utouriya"-, O BUQUE DE MAIOR TAMAÑO DOS CHEGADOS ATA AGORA, o Comité Cidadán de Emerxencia, convoca:
CONCENTRACIÓN
martes, 25 de abril 2017
ás 20 horas, (oito da tarde)
HORARIO DE VERÁN
diante do Edificio da xunta de Galicia
(Praza Amada García - Ferrol)
Características do buque:
Bandeira .- Islas Marshall, Eslora.- 315 m, Manga.- 50 m, Calado.- 12.3 m, Capacidade.- 215 000 m3

Ciclo "Democracia e Compromiso": presentación do libro "La revolución árabe" de Mohamed Safa - Xoves 20 de abril, 19:30h, Ateneo Ferrolán

A A.C. FUCO BUXÁN convídate á presentación do libro que leva por título LA REVOLUCIÓN ÁRABE. Democracia, nacionalismo, religión y Palestina como nudo gordiano (Editorial Hoja de Lata) polo seu autor MOHAMED SAFA, oftalmólogo, activista i escritor palestino afincado en España. Mohamed Safa cursou os seus estudos de medicina en Santiago de Compostela, reside en Corcubión i exerce a súa profesión en Cee, no hospital Virxe da Xunqueira. A obra que ven a presentar analiza os levantamentos que tiveron lugar nas últimas datas en Oriente Medio e a estreita relación entre a inestabilidade nos Países Árabes do Mediterráneo e a ocupación israelí de Pales-
tina, un longo conflito que complica a eleción de Trump nos EEUU.

O libro cuestiona mitos e afirma que a Primavera Árabe supuxo un impulso democrático cara ó futuro detido pola resposta violenta e a inxerencia extranxeira. O autor aposta pola causa xusta da loita palestina, o respeto á legalidade e a asunción das resolucións da ONU nun intre delicado.

Os libros poderanse adquirir e asinar no mesmo acto polos interesados.


Coa devandita presentación, que se pechará cun coloquio no que poderán participar todos os presentes, a A.C. FUCO BUXÁN da continuidade ó ciclo que baixo o título xenérico DEMOCRACIA E COMPROMISO indaga nas claves políticas e pretende contribuir ó debate sobre temas da actualidade na que estamos inmersos. A tal fin, seguiremos convidando a prestixiosos analistas que darán a súa visión dende perspectivas progresistas e de esquerdas.

O CCE precisa axuda económica para continuar procesos xudiciais



Estimad@s simpatizantes na causa contra a planta de gas de Reganosa,

O pasado verán de 2013, fixémosvos unha solicitude de apoio económico, que tivo unha resposta extraordinaria, superando os 3.000 €. Queremos agradecérvolo a todas aquelas persoas que fixéchedes este importante esforzo.

Como sabedes desde hai case 13 anos, contamos coa inestimable colaboración totalmente gratuíta de vari@s avogad@s, en Ferrol, Coruña e sobre todo en Madrid, que nos permitiron iniciar e continuar os procesos xudiciais contra as diferentes fases de aprobacións da planta de gas, sen que isto supuxera maior gasto que o pago aos procuradores, de moita menor cuantía que o que serían as minutas d@s avogad@s.

Recordarvos de novo que a lei de taxas 10/2012 do 20 de novembro, supuxo un cambio e unha barreira importante para poder continuar cos procedementos que temos en marcha. Para unha interposición de recurso contencioso administrativo hai que ingresar 350 € máis un tanto por cento (0,5 % ou 0,25 % ) do valor da cantidade fixada polo xulgado para cada caso; para un recurso de apelación, 800 € máis a porcentaxe; para un recurso de casación, 1.200 € máis a porcentaxe.

Para a Administración estes gastos non supoñen ningún cambio porque está exenta do seu pago, e para Reganosa eses importes son unha nimiedade fronte aos ingresos millonarios que ten a través das retribucións do sistema gasista. Neste ano 2014 vai recibir máis de 53 millóns de euros do diñeiro público, en concepto de amortización da inversión, retribución financeira e custes de operación e mantemento fixos. Aparte recibirá os importes variables en función da súa actividade: peaxes por volume de regasificación, carga e descarga de buques, carga de cisternas e postas en frío de gaseiros. Todos estes importes pagámolos entre toda a cidadanía, no noso recibo de butano, propano ou gas natural canalizado. Para o CCE, porén, supón unha importante carga económica que debemos afrontar só cos nosos propios medios.

Aparte doutros gastos empregados noutras actividades (custes das mensaxes de aviso de entradas de gaseiros, fotocopias de cartaces, documentación, etc.), ao longo de todo o ano 2013, temos feito pagos por valor de máis de 9.600 €. Na folla que acompaña facemos unha relación deles. Fixemos frente a estes gastos, cos fondos acumulados de loterías e outros actos organizados nos últimos seis anos, ademáis de contar coa importante aportación extraordinaria do pasado verán, que conseguimos grazas a todas e todos vós.

Agora unha vez máis necesitamos unha aportación extra para poder continuar os procesos pendentes contra a autorización administrativa previa, a de construción e a acta de posta en servizo. Inmediatamente temos que dispor de 1.290 € para interpoñer recurso de casación contra a denegación do incidente de execución da sentencia do Supremo do 12 de maio de 2012 que anula a modificación puntual do concello de Mugardos. Sentencia que tira abaixo o castelo de naipes montado para obter as autorizacións da planta. Lembrar que esta sentencia é inapelable e non pode ser anulada por actos posteriores da administración, menos aínda por actos da administración autonómica.

É difícil poder concretar unha cantidade media a aportar, porque sempre vai depender da situación económica de cada quen. Barállanse cifras orientativas de uns 150 a 300 euros por asociación e de 20 a 40 euros (ou máis se se pode) por persoa a título individual.

Unha vez máis, moitas gracias a todas e todos pola vosa colaboración!



Relación de gastos xudiciais ano 2013

Data…………………..Concepto……………………………………………Importe

19-2-13………..TSXG (Costas apelación)……………………………….273,82 €

26-2-13………..Provisión fondos procurador Madrid…………….803,32 €

23-3-13…………Provisión fondos procurador Madrid…………….517,71 €

14-4-13………….Liquidación de suplidos……………………………….521,03 €

30-4-13………….Tasas tribunal e gastos xestión……………………1.354,35 €

20-5-13…………..Depósito, reposición e tasa casación…………..1.320,58 €

16-6-13…………..Provisión fondos procurador 1 Coruña……………193,30 €

5-7-13……………Provisión fondos procurador Madrid…………..2.100,00 €

25-9-13………….Depósitos e consinacións TSXG……………………….25,00 €

25-9-13………….Recurso apelación procurador 1 Coruña…………197,57 €

28-11-13………..Provisión fondos procurador 2 Coruña……………733,97 €

28-11-13………..Recurso tasación…………………………………………….50,00 €

20-12-13………..Costas procesais Verquidos……………………………1.521,29 €

TOTAL…………………………………………………………………………………9.611,94 €



Para axudas económicas:C.c. no Banco Santander, titular: Luz Marina Torrente e outros
Desde España: 0049 3315 77 2894017995
Desde o Extranxeiro: IBAN ES 71 00493315772894017995

Fonte: https://cociudem.wordpress.com/2014/01/27/o-cce-precisa-axuda-economica-para-continuar-procesos-xudiciais/

IX "Conspirando por umha Rádio Livre"

 

Este xoves 13 de abril, podes celebrar co Colectivo Opaii a novena edición do "Conspirando por unma Rádio Livre" e contribuír á autogestiom da Rádio Libre e Comunitaria da Terra de Trasancos acudindo á Sesiom Vermú no Ateneo Ferrolán ás 12:00 horas do xoves 13 de abril coa actuación de Eugenia Sanmartín e as súas músicas de Brasil e outras terras. Xa á noite, a partir das 10h., na sala Super8, poderedes gozar do Clásico concerto "Conspirando por unma Rádio Livre" coas actuacións do grupo de "música Surf" KANALOAS e o de "Rap&Roll" SOKRAM. Lembra, este xoves 13 de abril, toca conspirar por unha Radio Libre, a Rádio FilispiM.

"POBOS NAS MARXES"

Somos o FestiVal das Brétemas de Ponteareas (Galiza). 

Cada edición do festival adicámola a un breTEMA DO ANO, que sexa o fío condutor para todas as actividades que levemos a cabo na nosa vila e comarca durante ese período.

Para a nosa VI Edición, escollemos o breTEMA: "POBOS NAS MARXES" Co que pretendemos reflexionar ao redor dos fenómenos migratorios, o conflito das refuxiadas, ou a situación de pobos e/ou culturas marxinadas na nosa, ou noutras sociedades, como é o pobo xitano. 

A escolla dos "Bre-Temas", a miúdo está motivada polo noso descoñecemento e/ou ganas de afondar neles, póndonos en contacto con colectivos que xa levedes tempo traballando nese eido, para poder aprendermos de vós.

Gustaríanos moito poder contar coa vosa colaboración xa que consideramos a trascendencia da transversalidade da perspectiva de xénero para visibilizar as múltiples opresións. 

O formato da colaboración queda un pouco ao que propoñades vós podendo ser palestra, proxección, concerto ou o que vexades oportuno. 

Que vos parece? 

Moitas grazas pola vosa atención.

FestiVal das Brétemas de Ponteareas.

HOMENAXE NACIONAL A FIDEL CASTRO


A figura do líder histórico da Revolución Cubana e a súa loita a prol da independencia dos pobos revive o 29 de abril ás 19.30 h no Teatro Principal de Pontevedra.

O acto, presentado por Mónica Camaño, será de balde (ata completar aforo)  e incluirá catro apartados: (interpretacións musicais, recitado de poemas, intervencións politicas e proxección de vídeos), contando coa participación das persoas que a seguir se indican.

Poetas: Anxo Angueira, Marta Dacosta, Pepe Cáccamo, Manolo Pipas, Celso Parada e Luz Fandiño.
Musicos: Tino Baz, Mini e Mero e Uxía Senlle.

Oradores: Miguel Anxo F, Lores (alcalde de Pontevedra), José Antonio Solana (cónsul xeral de Cuba en Galiza), Willy Toledo (activista e actor) e Valentín Alvite (presidente da Asociación Francisco Villamil).

Agardamos contar coa túa presenza e activa colaboración na difusión desta homenaxe.
Vémonos en Pontevedra!
VIVA FIDEL!!
-- 
Terra sen amos - Asociación de Amizade Galego-Cubana “Francisco Villamil"

FACEBOOK - Terra sen Amos
TWITTER - @galegocubana

Exposición "Hábitats", de Carlos López García

Exposición "Hábitats", de Carlos López García, "Carlús", que se amosará a partir do vindeiro luns 10 de abril na sala de exposicións temporais da Casa da Cultura-Museo do Humor de Fene.



"Amenazas a la biodiversidad: las especies exóticas invasoras"

La Biblioteca Municipal de Ferrol se complace en informarlo/a sobre la conferencia "Amenazas a la biodiversidad: las especies exóticas invasoras" que, dentro del I Ciclo de charlas sobre Divulgación científica: Vamos a contar ciencia, se va celebrar hoy jueves día 6 de abril a las 19.30 h en la Sala Audiovisual (3ª planta), a cargo de la doctora en Biología Inmaculada Romero Buján.


Presentación da revista Columba Nº 17


O sábado día 8 de abril, ás 19:30 terá lugar na sala de conferencias do faro de cabo Prior a presentación da revista Columba Nº 17, coa presenza da Concelleira de Patrimonio e Medio Rural do Concello de Ferrol.

​Sumario
•••••••••••••
  • Medicina e sabiduría popular tradicional na antiga terra de Serantes • Xabier Monteiro Graña
  • Patria do vento Tourón (os males de amor da serea Margarida) • Henrique Dacosta López
  • Fran Amado. Historias dun capitán de pesca faenando por Prior • Fernando Patricio Cortizo
  • El contrabajo “Voluta de tres cuerdas” • Luis Garrido Labrada
  • Fachos, Vigías, Velas y Atalayas desde el Cabo Ortegal... • José López Hermida
  • Sobre la bandera de España • José Mesejo
  • La actuación de regiones devastadas en Galicia • Mamuela Santalla y Juan Carlos Rico
  • El castro de Lobadiz como patrimonio olvidado • Isabel Perales Pérez • 98
  • Velas en el horizonte. Divisando armadas desde el Cabo Prior • David Fernández Abella
  • Un inimigo do pobo / 3 loairas 3 • Gerardo de Castro
  • As nosas praias • Paulino Gasalla
  • Asentamientos castreños del concello de Ferrol • Jorge Santamaría Treceño
  • Recuerdos de Ferrol tontos e inocentes • Pedro Iglesias Sierra
  • Prisionero del Kaiser • Mario Valdivieso Mateo
  • Paxareando por Prior • Xan Rodríguez Silvar
  • O sabugueiro (Sambucus nigra) • Alberto Sánchez de Toca

Sociedade Cultural Columba

Ritual para unha tribo capital de concello, poemario de Manuel María


Este sábado, día 8, ás 20 hrs, na Casa-Museo Manuel María preséntase a nova edición de Ritual para unha tribo capital de concello, poemario de Manuel María editado por primeira vez en 1986. Un libro, que en palabras de Camilo Gómez Torres, biógrafo e estudoso da obra de Manuel María,  “é  sentido e sufrido polo poeta coa intensidade dun amor que vai máis aló da vida e da morte”.  

A profesora de literatura de Educación Secundaria, Eva Teijeiro, o divulgador cultural e investigador da historia de Outeiro de Rei , Orlando Viveiro, o arquéologo e museólogo, Felipe Senén, autor das ilustracións do libro, e o profesor de Historia da Universidade de Deusto, Xosé Estévez, autor do limiar do poemario, serán as persoas encargadas da presentación, na que tamén se intercalará coa lectura, por parte das persoas presentes, dalgúns dos poemas contidos no libro.

Ritual para unha tribo capital de concello é un canto lírico-etnográfico da tribo natal de Manuel María, Outeiro de Rei. A intimidade, as lembranzas e a historia persoal e colectiva, as vivencias, as identificacións coa natureza, os retratos de familia, a denuncia social, as romarías, as lendas, os ritos, os traballos… fanse presentes neste espazo vital dunhas xentes e dun pobo que ama, que sente seu e que ergue poeticamente desde a lembranza da sua infancia para ir avanzando no tempo até o presente-futuro do seu non ser físico.

Fundación Manuel María de Estudos Galegos

NO al TTIP, CETA, TISA


Estimados compañeros, estimadas compañeras.

Como sabéis, el pasado 15 de febrero se ratificó en el Parlamento Europeo el Acuerdo Económico y Comercial Global (CETA) entre la Unión Europea y Canadá, un tratado de comercio e inversiones pensado por y para las grandes empresas transnacionales que supone un duro golpe a los derechos y necesidades de la gente corriente en numerosos aspectos de su vida cotidiana, así como un grave ataque al medioambiente y a la democracia.

Al estar considerado el CETA como un acuerdo mixto, el proceso de ratificación ha de pasar ahora por los 38 parlamentos estatales, federales y sub-federales de la UE, lo cual nos ofrece aún un largo camino y numerosas oportunidades de abrir espacios de debate con el fin de informar a la ciudadanía de lo que supone en realidad este tratado, más allá de la propaganda oficial.
En lo que respecta al Estado español, el gobierno ha remitido el Proyecto de Ley para ratificar el CETA al Congreso de los Diputados el 27 de marzo.

Desde la campaña estatal NO al TTIP, CETA, TISA y los diferentes nodos locales hemos consensuado un plan de acción para los próximos tres meses dirigido a evitar esta ratificación. Está basado en tres ejes:

Realizar actividades de sensibilización para informar sobre los peligros e impactos del CETA, con charlas, debates, conferencias, talleres de formación, artículos, mesa informativas en la calle, etc.
Llevar a cabo iniciativas de incidencia política de carácter local, autonómico y estatal, con mociones, reuniones con parlamentarios/as, debates, participación en actos, campañas en redes sociales, etc.
Preparar movilizaciones, tanto centralizadas como locales.

Pero esta hoja de ruta solo será posible ejecutarla si muchos colectivos que nos hemos unido en esta dura lucha echamos el resto en el escaso tiempo que nos queda. Para hacer descarrilar el tren blindado de intereses corporativos y puertas giratorias, que han preparado lobbies y políticos sin escrúpulos, necesitamos poner toda la carne en el asador.

Y es aquí donde creemos que las distintas organizaciones y colectivos que formáis parte de la campaña, tenéis un papel importante que jugar: participando de forma activa del esfuerzo colectivo que tenemos por delante, difundiendo información, organizando actos específicos contra el CETA, colaborando con recursos económicos y personales y, sobre todo, con la implicación de los órganos de dirección y/o coordinación en el apoyo a los actos y acciones programados por la campaña No al TTIP, CETA, TiSA, llamando a la participación en ellos de vuestra base asociativa y militante.
La unidad de acción es imprescindible para conseguir el objetivo de tumbar el CETA. Sin la participación masiva de la ciudadanía en estas acciones será imposible lograrlo. Hagamos nuestro este compromiso.

Recibid un fraternal abrazo.

Grupo de coordinación de la Campaña Estatal NO al TTIP, CETA, TISA.

-- 

Campaña NOalTTIP, CETA, TiSA
Para seguir siempre informad@ ¡Suscríbete al boletín!


Web
http://www.noalttip.org/
FB
https://www.facebook.com/noalttip
Twitter
https://twitter.com/noalttip?lang=es

Reunión ACAMPA o Mércores 5 de abril de 2017 ás 19:30 horas no Ateneo Ferrolán

ACAMPA pola paz e o dereito a refuxio

Reunión ACAMPA o Mércores 5 de abril de 2017 ás 19:30 horas no Ateneo Ferrolán

Reunión ACAMPA o Mércores 5 de abril de 2017 ás 19:30 horas no Ateneo Ferrolán



Estimados amigos/as:

Póñome en contacto con Vd. en representación de Acampa, asociación sociocultural sen fins de lucro, desde a que estamos a organizar un evento internacional de información e sensibilización sobre a crise humanitaria das persoas refuxiadas.

O evento, denominado Acampa pola paz e o dereito a refuxio, é unha iniciativa cidadá cuxo acto central terá lugar entre os días 15 e 18 de xuño de 2017 na Coruña.

Trátase dun simbólico campo de persoas refuxiadas no centro da cidade, que se porá en marcha coa participación de gran parte do tecido social, tanto persoas a título individual como organizacións e asociacións de todo tipo. Neste campamento desenvolveremos decenas de actividades encamiñadas a crear unha rede de participación e resposta, co obxectivo de contrastarmos a información e promovermos a implicación cidadá en todos os ámbitos. Previamente, ao longo de todo este ano, levaremos a cabo unha acción continuada de sensibilización sobre os dereitos humanos, co fin de analizar as causas e consecuencias das crisis humanitarias.

No documento adxunto a este correo pode ver de forma gráfica e sintética os obxectivos da iniciativa. Acampa é un proxecto da Plataforma Coruña Contra a Guerra, integrada por moitas persoas comprometidas, ONG locais e internacionais, asociacións, entidades sociais e sindicais,e que recibe o apoio das institucións locais.

Temos moito interese en contar coa súa participación nos actos centrais do mes de xuño e ao longo dese ano.

Desexamos que esta proposta lle interese e por iso queremos manter unha reunión cando vostedes dispoñan.

Saúdos cordiais.

Xosé Abad
Presidente Asociación ACAMPA

Reunión ACAMPA o Mércores 5 de abril de 2017 ás 19:30 horas no Ateneo Ferrolán

Programa de Atividades Fundaçom Artábria [Abril]

Dende a A. C. Fuco Buxán queremos transmitir os Parabéns á Fundaçom Artabria pola distinción de #FerrolanadoAno2017

Atividades que decorrerám este mês na @FArtabria para dar a conhecer um pouco mais as Irmandades da Fala em Ferrol. Programaçom completa para o mês de abril com destaque para o centenário das Irmandades da Fala em Ferrol. Ajudas a partilhar?




“I Xornada de Igualdade Intercultural a través da Danza“

“I Xornada de Igualdade Intercultural a través da Danza“


Data: sábado 1 de abril
Hora: 17.00
Lugar: Local Social do Val

Haberá Mostra de bailes tradicionais (bachatas, san juanitos, bailes orientais, etc.), obradoiros de bailes e degustación solidaria de pinchos internacionais. Recolleranse produtos básicos e de hixiene persoal feminina a favor do PATRONATO CONCEPCIÓN ARENAL.

"I Xornadas iniciación á Astronomía e Astrofotografía"



Os próximos días 7 e 8 de abril do presente, celébranse as "I Xornadas de iniciación á Astronomía e Astrofotografía" non salón de Actos da Sociedade Galega de Historia Natural en Ferrol.

Para inscribirse enviar un correo electrónico a astronomia@sghn.org

Sección de Astronomía dá SGHN

IV ENCONTRO DE CANTAREIRAS



A Liga de Amigos de Barallobre e Airiños de Fene teñen o pracer de convidarvos ao IV Encontro de Cantareiras. Agradecen lle derades a maior difusión posible.
  
Liga de Amigos de Barallobre / Airiños de Fene

I Xornadas de Saúde no Adulto Maior. “Por unha vida máis saudable”



Estimado Sr./Sra.
En calidade de responsable do Programa Universitario para Maiores da Universidade da Coruña, a Universidade Sénior, poñome en contacto con Vde., con motivo da celebración das I Xornadas de Saúde no Adulto Maior. “Por unha vida máis saudable”, que estamos a organizar para os vindeiros 20 e 27 de abril, 4,11 e 25 de mayo de 2017, no campus de Esteiro en Ferrol.

Entendendo que, o envellecemento activo, segundo a OMS (Organización Mundial da Saúde) é o proceso no que se optimizan as oportunidades de saúde, participación e seguridade a fin de mellorar a calidade de vida personas maiores.

Somos conscientes, de que o envellecemento acelerado da poboación e o aumento da esperanza de vida son un reto da nosa sociedade. Para conquerir un envellecemento activo e saudable é preciso potenciar o desenvolvemento de hábitos de vida saudable, físicos e mentais.

Dende a Universidade Sénior , o programa para maiores da UDC, entendemos que, dende o eido da formación que nos é propio, se pode fomentar o mantemento de hábitos saudables ao longo da vida: unha dieta equilibrada, unha actividad física axeitada, evitar conductas de risco como o consumo de alcohol e tabaco, …, contribuindo a reducir o risco de padecer enfermidades e mellorando a calidade de vida das persoas maiores, sendo esta a finalidade desta iniciativa de formación.

Estas I Xornadas de Saúde no Adulto Maior, pretenden no só ser parte dunha actividade dentro do plan de estudos da Universidade Sénior dirixida a os nosos alumnos/as, senón que pretende ser unha actividade de portas abertas que permita o achegamento do público en xeral, e así dar a coñecer a aprendizaxe que a Universidade da Coruña oferta as persoas maiores de 50 anos que desexen acceder a un novo tipo de formación axeitada as súas inquedanzas formativas e intereses culturais.

Quixeramos poidese dar a máxima difusión entre o seu colectivo/ socios deste evento que estamos a desenvolver dentro do noso Programa de Maiores, que se dirixe a todas as persoas maiores de 50 anos, que teñan o desexo de acercarse á formación universitaria, para dar resposta as súas inquedanzas.

Agradecendo de antemán a súa colaboración, reciba un sincero saúdo.

D. Juan Alberto Sucasas Peón
Subdirector da Universidade Sénior

Mais información en:

Tfno. 881013631
email: secretaria.senior.ferrol@udc.es
web: http://www.udc.es/senior/novas/20170328_Xornadas_de_Saude.html


Acoso ás preceptoras do RISGA

A Consellería de Política Social, que dirixe José Manuel Rey Varela, continúa co seu acoso ás persoas máis empobrecidas, en concreto ás perceptoras da RISGA. Explicamos a situación que está a sufrir unha compañeira.

A muller recibiu, a mediados de marzo, un requirimento da Xunta. Nel esíxenlle que acredite que vive nunha vivenda independente á dos seus pais, malia que hai uns meses entregou un padrón municipal onde aparecía numeración diferente para cada vivenda.

Esta compañeira vive coa súa filla nunha “caseta de obra” situada na mesma finca onde o fan os seus pais nunha casa independente á dela. Así o di o concello, a través do padrón, onde teñen asignados números de portal distintos para cada vivenda -unha delas moi precaria- do terreo. Unha situación clara e sinxela de entender: dúas familias que viven en fogares independentes na mesma finca. Na Xunta incluso teñen informes da traballadora social do concello que certifican isto.

Seica esta realidade non se acomoda aos desexos da Xunta, polo que lle requiren unha “certificación catastral e/ou recibo do IBI..., nos que figure unha referencia catastral distinta á vivenda dos pais”. De non facelo terá que achegar “documentación referida aos seus pais e ao seu irmán”.

Ela e nós ficamos estupefactos logo de ler esta petición. Tratamos de buscar respostas e as atopamos na Xunta, onde recoñecen que cumpren as ordes da consellería chegadas en forma de instrucións (orais e de obrigado cumprimento). A indefensión absoluta!

O 1 de xaneiro de 2014 entraba en vigor a lei 10/2013, do 27 de novembro, de inclusión social de Galicia que modificaba a anterior da RISGA. Malia o dito na disposición derradeira da citada lei: “a Xunta de Galicia, nun prazo máximo de seis meses desde a publicación desta lei, elaborará as disposicións necesarias para o seu desenvolvemento e aplicación” ficamos sen un decreto que a desenvolva. Vivimos na “excepcionalidade”, que a Xunta xestiona a golpe de instrucións opacas e restritivas, que marcan o camiño do que, cando lles pete, plasmarán no decreto.

A Xunta endurece a RISGA a base de instrucións opacas

Malia os rechamangueiros anuncios da Xunta sobre os presuntos beneficios que ía traer a nova lei, a realidade é ben distinta. Sen decreto, fican bloqueados os aspectos máis beneficiosos da norma: posta en marcha dos tramos de inserción e de transición ao emprego ou a suba das contías a percibir polo complemento de alugamento. Á indeterminación legal, hai que engadir unha escura e restritiva xestión da RISGA feita a golpe de instrucións. Semella que para a Feijóo e Rey Varela este é o mellor escenario para afondar nun modelo de xestión da miseria marcado polo asistencialismo e a privatización das necesidades básicas.

O silencio da Xunta sobre o decreto, unido á mala xestión tantas veces denunciada (atrasos na tramitación, miseria das contías, control excesivo...) fala moito das intencións da Xunta coa RISGA: máis restrición e máis endurecemento.

Fronte a violencia da Xunta, esiximos dereitos sociais fortes. Xunto a moitas persoas e colectivos pulamos por pasar da RISGA, das faragullas, dos negocios coas nosas necesidades... e chegar a outras formas de organización onde as necesidades de todas sexan cubertas.
Coia, marzo 2017

ODS-Coia e G.A.S.

--
OFICINA DEREITOS SOCIAIS - COIA (ODS-Coia)
odscoia.arkipelagos.net | odscoia@riseup.net |@odscoia | tel: 696 618 732 - 679 758 663
Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo)
--
'As mulleres decidimos'
Coordenadora Nacional Galega
Marcha Mundial das Mulheres
Marcha Mundial das Mulleres
Rúa Romil, 20, baixo
36202 Vigo-Galiza
CIF G-15773013
Teléfonos de contacto:
Coord. Compostela:  647735737
Coord. Vigo: 630486886
Coord. Ourense: 652140217
Coord. Ferrolterra: 636 87 86 06
Comunicación:
http://www.feminismo.info
@MMMGaliza
www.facebook.com/marchamundialmulleres.galiza


"Ferrol coas Irmandades da Fala"

"Ferrol coas Irmandades da Fala"



O Concello celebra o centenario da Irmandades da Fala de Ferrol (1917-2017) cun roteiro todos os sábados de abril para divulgar a memoria da cidade e recuperar a súa autoestima

O Concello de Ferrol anima á cidadanía a participar nesta ruta urbana que comeza este sábado 1 de abril ás 17 horas desde a praza de Amboaxe. Repetirase todos os sábados de abril (1, 8, 15, 22, 29). "Ferrol coas Irmandades da Fala" está deseñado en sete paradas que veñen resumidas nunha pequena publicación realizada para o evento. Trátase, deste xeito, de contribuír desde o concello á celebración dos 100 anos das Irmandades da Fala e pór en valor a cidade e o papel ás veces descoñecido, pero ben importante, que tivo Ferrol no seu nacemento. Foi un 15 de abril de 1917 cando se funda a Irmandade da Fala de Ferrol. O Concello quere converter este abril de 2017 no mes das Irmandades.

No uso do galego latexa a nosa liberdade. Nesta parada inicial reivindícase a primeira vez que se usou a lingua galega de forma íntegra en Ferrol nun acto público. Foi o 11 de Febreiro de 1917 no Salón Amboaxe, un antigo cine situado no colexio dos Mercedarios. Pronunciounas Antón Vilar Ponte. O 15 de Abril dese mesmo ano, logo deste acto, fican constituidas as Irmandades de Ferrol, con Xaime Quintanilla como conselleiro primeiro.

Xaime Quintanilla, irmán da fala. A segunda parada do roteiro reivindica o papel do ex alcalde como principal dinamizador das Irmandades na cidade e fundador da editora Céltiga. Lémbrase, por tanto, a súa casa como punto de encontro da intelectualidade ferrolá, onde mantiña un faladoiro no que participou o propio Carvalho Calero.

Toxos e Froles, fachenda das nosas raíces. Malia que semelle todo dito sobre o coro, cómpre facer fincapé en que é pioneiro como coro do proletariado e na incorporación da muller ao mesmo, no período 1020-1923, durante o que ingresaron cinco mulleres, entre elas a actriz Pilar Suárez.
El Correo Gallego contra o galego. Desde a Rúa Real 181, o director de El Correo Gallego bufaba contra as Irmandades. O xornal chegou a publicar que «defender os intereses galegos era un crime de lesa patria». Coa lingua por bandeira, porén, inaugurouse o primeiro local das Irmandades de Ferrol na rúa Rúal o 13 de decembro de 1917.

En Ferrol naceu a primeira editora en galego. A Irmandade da Fala fundou Céltiga, o primeiro proxecto editorial no noso idioma. Na súa colección apareceron trece títulos que combinaban os autores da cidade con outros de relevancia no ámbito galego como Castelao.

A Capela Sisitina Galega Bello Piñeiro asina o conxunto mural co que se inaugura o Casino de Ferrol (1925). Unha creación de cento cinco metros cadrados ao que se lle chama a Capela Sistina Galega malia ser pouco coñecida para o público en xeral, incluso nestes tempos nos que a pintura mural está a ter un grande protagonismo social e cultural en case todas as grandes vilas e cidades.

Un teatro para facer país. O teatro Jofre convértese no epicentro do teatro galego. É neste escenario onde se estrean as obras máis importantes das Irmandades da Fala, entre elas: Donosiña, de Xaime Quintanilla, que xa en 1920 tentaba rachar tabús abordando o tema do adulterio feminino.

Todos os sábados de abril ás 17.00h
Praza de Amboaxe
Inscricións 698 157 414

Club de Lectura de Poesía da Biblioteca, "Poemas versus mulheres"



Luns día 3 de abril, no Club de Lectura de Poesía da Biblioteca, leránse "Poemas versus mulheres". Lugar: Aula audiovisual (3ª planta). Hora: 19.30. Entrada libre. Agardamos que a información sexa do seu interese.

Nota de Prensa do CCE relativa a tese Cunha-Urgorri sobre REGANOSA


Nota de Prensa do CCE relativa a tese Cunha-Urgorri sobre REGANOSA

A tese Cunha-Urgorri, que nega a afectación da Ria polo impacto de Reganosa, carece de rigor e é contraria a estudos europeos feitos ao abeiro da CE, que califican o uso de biocidas e arrefriamento da auga como contaminación mariña.

Diferentes medios publicaban estes días a tese da investigadora da Estación de Bioloxía Mariña da Graña, Xela Cunha, dirixida por Vitoriano Urgorri - responsable da estación-, na que se afirma que “a planta de gas de Reganosa non ten afectación nas augas da Ría”. Na entrevista publicada na Voz (26-03-2017) ven a dicir: “ A estación da Graña e Reganosa levan traballando en conxunto desde finais de 2006”. A tese abarca desde o ano 2007 ate o 2013 e dí que, “segundo os estudios na estación máis próxima á planta de Reganosa (dos catro estudados), non existen ningún descenso na riqueza especifica, é dicir, no número de especies que hai, e na abundancia, no número de exemplares de cada unha das especies”. En cambio,” nas outras tres estacións observouse que foron descendendo os valores paulatinamente”.

O resultado do “estudo” publicado agora, ven a coincidir coa opinión do director do estudo, Victoriano Urgorri, que xa no seu momento fixo por encargo un informe mediombiental que non puña obxeccións á relocalización da planta de Reganosa no interior da Ría, nunhas declaracións a El Pais, o 19 de Nov. 2007 di, a instalación de Reganosa non supón, segundo Urgorri, "un problema ambiental". Un informe realizado por este e outros biólogos coas universidades de Santiago e Vigo, desmenten aos mariscadores, que vaticinaron un descenso na temperatura das aguas e un grave prexuízo para o marisqueo. Procede denunciar aquí o tratamento irregular que Augas de Galicia dá aos rexistros de datos de temperatura de saída da auga utilizada (un requisito imprescindible para a autorización de verteduras), utilizando só os valores medios diarios, co que os valores máximos e mínimos quedan totalmente enmascarados.

A tese onde se estuda o número de especies en catro estacións situadas desde 50 a 400 metros arredor da planta, asegúrase que na máis próxima a Reganosa foi na que os valores de abundancia e riqueza específica se mantiveron máis ou menos similares, desde 2007 a decembro de 2013. Baixo a opinión deste Comité, carece de rigor a comparación, ao non ter en conta factores como a degradación da Ria por vertidos urbanos, ou vertidos industriais, nas zonas das outras tres estacións estudadas. Ignórase a influencia das mareas e correntes que fan que o efecto do proceso de regasificación de Reganosa, se faga extensivo a toda a Ría, e non só localizado nun radio ao redor da mesma. Ademais, aplicando o sentido común, chégase á conclusión de que ao absorber Reganosa 13.200Tons./hora de auga da Ría, máis que o caudal medio do Rio Xubia, que conten microorganismos, larvas, algas, animais, ...plancto en xeral, a base da vida da Ria, que logo é tratada con hipoclorito sódico (lixivia), e vertida á Ria cos restos de ese hipoclorito, esterilizada e devolta á Ría cunha redución da súa temperatura de 6ºC, ao longo destes 10 anos de funcionamento de Reganosa, algunha pegada habería que esperar que deixara no ecosistema da Ría. Outra cousa é que cos datos reais, a produción da planta nos 10 anos desde a súa posta en marcha, estivo sempre por baixo do 30 %, co que o volume de auga utilizada ata agora é moito menor do nominal, e polo tanto os efectos que se producen, sempre son menores, que se a planta funcionara tal e como foi planificada. Este Comité non pode máis que rechazar esta tese por interesada e manipulada. Ademais, nada novidosa por estar dirixida por un veterano defensor de Reganosa, Victoriano Urgorri, empresa para a que elaborou varios informes neste mesmo sentido.

Existen ademais estudos científicos que certifican que o sistema de limpeza de “fouling” (restos orgánicos nos sistemas de refrixeracións), que utilizan as industrias do tipo de Reganosa, a base de biocidas (hipocloritos), presentan unha alta toxicidade para os organismos do medio mariño. Estudos como os realizados ao abeiro da directiva marco sobre a estratexia mariña, Directiva 2008/56/CE do Parlamento Europeo e do Consello do 17 de Xuño de 2008, pola que se establece un marco de acción comunitaria para a política do medio mariño, que ten o obxectivo do bo estado ecolóxico das augas mariñas para o 2020. A Comunidade Europea, considera contaminación mariña o arrefriamento das augas e o uso de biocidas. Todas as plantas costeiras de GNL de EE.UU. (na costa e en alta mar) utilizan sistemas de circuito pechado de regasificación queimando parte do gas que regasifican.

Reiteramos que a planta de gas de Reganosa é unha instalación perigosa, un produto da corrupción político-financeira deste pais. A relocalización da planta no interior da Ría, nos terreos do Grupo Tojeiro, non tiveron máis razóns, que facilitar que este puidera afacerse con 30 millóns de euros, e blindar a permanencia in situ do complexo petroquímico de Forestal. Reganosa é unha instalación ilegal que o Supremo determinou en 4 Sentencias. O Goberno en funcións de Rajoi, en desacato ás sentencia, decidiu excluír a Reganosa da aplicación da lei, e outorgoulle pola vía de urxencia unha nova autorización.

A planta de Reganosa, cuxo funcionamento no 2016 non pasou do 28%, cústanos á cidadanía perto de 60 millóns de euros ao ano, namentres se mantén pechado o gasoducto de Tui, que abastecía de gas a Galicia, para xustificar o timo de Reganosa.

A planta de Reganosa levantouse sobre un recheo e dragado ilegais (máis superficie da concedida), onde se soterraron miles de toneladas de vertidos contaminantes sen illamento xeotextil, a carón dos bancos marisqueiros de A Barca, Noville e Sta. Lucia. Reganosa utiliza auga da ria para regasificar, modelo non contemplado na autorización de construción. Son 13.200 Tons/hora de auga tratada con hipoclorito sódico (lixivia) para a eliminación de microorganismos.

En Punta Promontoiro radica hoxe o principal foco de contaminación da nosa Ria, xunto á planta de Reganosa, o complexo petroquímico de Forestal ten autorizado pola Xunta verquer á Ría 27 millons de tons/ano.

A Tese de Xela Cunha, negando o carácter nocivo para o ecosistema da Ria, é un traballo de encargo ao servizo de quen o paga. Semella outros estudos “científicos”, como os que se realizaron cando se regulou o uso do tabaco, que probaban que o tabaco non era daniño para a saúde, financiados polas tabacaleiras; os que negaban o carácter nocivo do amianto, ou os que negan o cambio climático, pagados polas petroleiras. Esta tese máis que ocultar, amosa o carácter corrupto do produto.

Ferrol a 1 de Abril de 2017

A+ | a-

Séguenos no Twitter