Asociación Cultural Fuco Buxán

Plataforma Remunicipalización Ferrol - Concentración polo Saneamento: contra a Taxa, por unha Emafesa 100% Pública, Depuración XA!!!: Mércores 1 de marzo, ás 12 do mediodía, na Praza da Ilustración

28/02/17

Compartimos o chamamento que fan dende a Plataforma Remunicipalizar Ferrol para convocar unha concentración o vindeiro mércores 1 de marzo polo saneamento da ría e contra as taxas inxustificadas:





Despois dos Plenos Extraordinarios, do 13 e 22 de febreiro, para abordar o asunto do Saneamento e a Taxa; e das reunións co Alcalde, unha antes de cada pleno, mais sen suceso ningún, coa postura do goberno municipal tomada e sen querer escoitar, vemo-nos na obriga de comezar a expresar as nosas opinións e reivindicacións, xa non só en roldas de prensa, comunicados e intervencións nos plenos, senon coa Mobilización Social. 

Hai un problema de fondo que non damos superado, hai certo tapar orellas ás propostas razoadas e ben argumentadas do movemento social que representamos, ao que antes mesmo pertencía e participaba activamente, o actual alcalde Jorge Suárez. Fai-nos pensar que este Alcalde que se esquece que está na alcaldía polos votos propios, e polos dos outros dous partidos que o apoiaron na súa investidura para presidente do Concello de Ferrol, estes son imprescindíbles. O lóxico, é que consulte a eses partidos en asuntos de tanta importancia como o é o saneamento e depuración.Tamén que consulte ou teña en conta ao movemento social, que axudamos a que o Partido Popular perdera a maioría absoluta, destapando coa loita popular a estafa da Taxa e da depuradora que non depuraba, en definitiva o engano á veciñanza, o engano ao Poder Popular. 
Sen entrar a un enfrontamento total, si comezamos a poñer as cousas no seu sitio, deixando espazo suficiente, para que lle dea tempo a rectificar e poñer-se do lado dos intereses do pobo, dos intereses da cidade, de quen ven defendendo un Saneamento Integral da Ría, da Xente do Mar, do medio ambiente, ... É por iso polo que convocamos unha CONCENTRACIÓN en Ferrol, o vindeiro mércores 1 de marzo, ás 12 do mediodía, na Praza da Ilustración (O Ensanche) - Diante da sede de Emafesa, onde vai ter lugar un Consello de Administración, no que o punto 6º da orde do día dí: "Solicitude, no seu caso, de concurso -preconcurso- do artigo 5 bis da Lei Concursal- voluntario de Emafesa".




SANEAMENTO E DEPURACIÓN XA!
QUE NON NOS MINTAN,
QUE NON NOS ENGANEN,
É FALSO QUE SE NON SE APROBA A SÚA TAXA,
QUE NON SE PODA DEPURAR.
SEGUIR VERTENDO Á RÍA SI QUE É ILEGAL!

EMAFESA 100% PÚBLICA !
SOCAMEX/URBASER,
A PARTE PRIVADA QUE XESTIONA A EMPRESA
FÓRA DE EMAFESA

EMAFESA MINTE E ESTAFA !
COBROU UNHA TAXA DE DEPURACIÓN,
MAIS NON PRESTABA O SERVIZO.
DEVOLUCIÓN DA TAXA,
COBRADA INDEBIDAMENTE XA!

ESTA TAXA NON !
SE TEN QUE HABER UNHA TAXA,
QUE SEXA EXPLICADA, PARTICIPADA E XUSTIFICADA !


--




PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN

Abonda de saqueo! Hai outras alternativas! Si se pode!

Pódese, débese e precísase!

Alexandre Carrodeguas 690612737

Fernando Ramos Armesto 622932443
Pablo Portero 659855805
Bernardo Rego Gárate 603772650
Lupe Ces. 652201003

remunicipalizacion.plataforma@gmail.com

https://plataformaferrol.blogspot.com.es/



Mostra "Cinema e Sociedade 2017" sobre o cancro - mércores 1 de marzo, 20h, Ateneo Ferrolán

Compartimos a invitación que nos fan chegar dende a Asociación Cultural Conxeito para un novo evento dentro da Mostra "Cinema e Sociedade 2017" e que tratará sobre o cancro para este mércores 1 de marzo ás 20h no Ateneo Ferrolán:




Proxección 'Investigación Médica: Houston, tenemos un problema' en A Coruña

Este mércores 1 de marzo, ás 20h, no Centro Cívico "Cidade Vella" da Coruña (Rúa da Veeduría, 2), Salud Por Derecho, Plataforma Galega de Afectados pola Hepatite C e a Coordinadora AntiPrivatizacion Da Sanidade Pública organizan a proxección do documental "Investigación Médica: Houston, tenemos un problema"

 
Para poder asistir, será preciso rexistrarse na seguinte ligazón, de xeito totalmente gratuíto:

https://www.eventbrite.es/e/entradas-proyeccion-investigacion-medica-houston-tenemos-un-problema-en-a-coruna-32087600878

Nesa mesma ligazón poderedes atopar máis información sobre o documental.

AVV O Rosario - Inferniño sobre o peche da biblioteca do CC Municipal do Inferniño

27/02/17

Difundimos o comunicado que nos chega dende a AVV O Rosario - Inferniño sobre a situación da biblioteca do Centro Cultural Municipal do Inferniño:




C.Cultural MUNICIPAL CARVALHO CALERO
BIBLIOTECA INFERNIÑO

A Xunta directiva desta Asociación Veciñal O Rosario- Inferniño, continuamos a denunciar, unha vez máis, o PECHE da BIBLIOTECA do Centro Cultural Municipal do INFERNIÑO dende hai máis de 1 ano sen cubrir a plaza da antiga traballadora.

Expresamos a nosa queixa e decepción ante a falta de dilixencia e resposta municipal cara a un bo funcionamento de apertura diaria e sábados na BIBLIOTECA do INFERNIÑO no Centro Cultural Municipal CARVALHO CALERO, sabendo que se trata dun tema sensible de máxima prioridade cultural e lugar de estudo e consulta para estudantes.

Esta Xunta directiva da A. Veciñal O Rosario –Inferniño, insta ao goberno local a APERTURA desta BIBLIOTECA MUNICIPAL do INFERNIÑO con horarios de fin de semana e poder facilitar este servizo aos estudantes, lectores/as e a veciñanza en xeral.

Ferrol, a 15 de Febreiro de 2017.-


- A directiva .-

Marchas da Dignidade - Manifestación galega en defensa das pensións na Coruña: sábado 25 de febreiro, 12h

24/02/17

Este sábado 25 de febreiro, ás 12:00h partirá na cidade da Coruña unha mobilización partida en dúas columnas que confluirán nos Xardíns de Mendez Núñez ás 13:00h en defensa das pensións públicas organizada polas Marchas da Dignidade.


Neste caso, e por falta de medios humáns, dende a Coordinadora das Marchas da Dignidade de Ferrolterra descartouse a posibilidade de organizar autobuses para viaxar á Coruña para esta mobilización. Polo tanto, o transporte farase en vehículos particulares, existindo a opción de empregar o autobus. Tras consultar os horarios de autobus para ese día dende Ferrol, o máis convinte para aquelas persoas que se plantexen ir directas á mobilización parece ser o que parte ás 10:30h da estación de autobuses e que ten prevista chegada ás 11:20h.

Segundo indica a organización no seu blog na publicación titulada "Percorrido definitivo das columnas o 25F na Coruña", á comarca de Ferrol lle corresponde a columna 2, que partirá do Campo da Leña ás 12:00h e á que lle corresponde o percorrido indicado na seguinte imaxe:



Para aquelas persoas que decidan ir en autobús, o máis recomendable para elas sería coller dende a Estación de Autobuses o bus urbán nº4, que fará o percorrido indicando neste roteiro: https://goo.gl/maps/Sa2WafG7xtS2

Para máis información:

Grupo de Consumo "Fonte da Uz" - Palestra da Cooperativa Enerxética "Nosa Enerxía": sábado 25, 17:30h

Compartimos a invitación que nos chega dende o Grupo de Consumo "Fonte da Uz", que organiza na tarde do sábado 25 de febreiro, ás 17:30h, no seu local (Rúa Fontaíña, 55 - baixo) unha palestra coa Cooperativa Enerxética "Nosa Enerxía", na que plantexarán un novo modelo de relación cunha empresa comercializadora de electricidade que ofrece máis información e maior capacidade de defensa que o que ofrecen as comercializadoras tradicionais.

O sábado , 25 de febreiro, ás 17:30, no local do Grupo de Consumo Fonte da Uz, encontro co responsable da Cooperativa enerxética Nosa Enerxía. Pasádeo!

Saúde.
Vidal

Ateneo Ferrolán - Proxección do documental "23" e coloquio: xoves 23 de febreiro, 19h

22/02/17

Compartimos a invitación que nos fan chegar dende o Ateneo Ferrolán para asistir á proxección do documental "23" sobre as listas negras elaboradas pola ultradereita durante os primeiros anos de democracia:



O Ateneo Ferrolán proxectará o documental "23" o vindeiro xoves 23 de febreiro ás 19 h.

Este documental non chegou nunca a emitirse nin proxectarse en ningures.

"No documental "23" queremos contar as vivencias e experiencias da tardiña do 23 de febreiro de 1981 cun grupo de vinte e tres homes e mulleres que aparecían nas listas negras elaboradas pola ultradereita. Aquela noite os concellos das cidades galegas estiveron abertos, ocupados por concelleiros de esquerdas e do nacionalismo galego. Probablemente nunca saberemos quen elaborou as famosas listas negras, que saíron publicadas por primeira vez en febreiro de 1991 en La Voz de Galicia."

Posteriormente realizarase un coloquio sobre o tema. O coloquio contará coa participación da directora do documental, Helena Villares, e con dous dos protagonistas, Rafael Pillado Lista e Bernardo Máiz Vázquez.

O documental, producido por Nemedón Producións Audiovisuais, gravouse no ano 2010. A idea orixinal e o guión correron a cargo de Pilar Faxil e Helena Villares. Participaron no documental Mariano Abalo Costa, Pilar Allegue Aguete, Pedro Arias, Miguel Cancio, Francisco Carballo, Marisa Domínguez, Alfredo Fernández, Manuela Fraguela Seoane, Xosé Manuel García Crego, Pilar García Negro, Chefa Hermo Ínsua, Ramón Lorenzo, Bernardo Máiz Vázquez, Xosé Luis Méndez Ferrín, Xosé Muruzábal Arlegui, Rafael Pillado Lista, María Xosé Queizán, Manuel Rivas Barros, Xosé María Rivera Arnoso, Francisco Rodríguez Sánchez, Elvira Souto Presedo, Miguel Vázquez Calvo e Francisco Villanueva.

A proxección e posterior coloquio decorrerán o xoves 23 de febreiro de 2017 ás 19 horas no Salón de Actos do Ateneo Ferrolán.


Máis información:
https://www.facebook.com/events/1855663611389427

Plataforma Remunicipalización Ferrol - Sobre a rolda de prensa realizada o luns 20 de febreiro no Concello de Ferrol

21/02/17

O venres pasado a Plataforma pola Remunicipalización de Ferrol -tal e como publicaban no seu blog en "Entrega de Escrito á atención do Alcalde e convocatoria de Rolda de Prensa para o luns 20 de febreiro, ás 12 do mediodía na Casa do Concello de Ferrol"-  presentaba por rexistro un escrito solicitando información ao Concello de Ferrol sobre a nova taxa de saneamento que pretende aprobar, e convocaban unha rolda de prensa aberta á cidadanía o luns 20 de febreiro ás 12h.

Onte mesmo penduraban no seu blog a publicación "Rolda de Prensa: Taxa e Saneamento en Ferrol - Texto e Vídeos da Exposición e Preguntas - Luns 20 de febreiro de 2017" que pasamos a reproducir, e na que explican como se desenvolveu a citada rolda de prensa:

Hoxe 20 de febreiro, tivo lugar unha Rolda de Prensa na casa do Concello de Ferrol, para para explicar a nosa posición diante dos últimos acontecementos e facer chegar a valoración da Plataforma sobre a Taxa e o Saneamento, os argumentos e as inconsistencias do Informe de Emafesa, base para o cáculo da Taxa. Despois da rolda de Prensa, o Alcalde chamou á Plataforma para manter unha xuntanza que despois dun breve contacto de minutos quedou nunha xuntanza a celebrar esta tarde na Casa do Concello, ás 19:30hs. Da cal informaremos.


COMUNICADO DE PRENSA
PLATAFORMA NA DEFENSA DOS SERVIZOS PÚBLICOS POLA REMUNICIPALIZACIÓN
A DEPURACIÓN NON É CUESTIÓN DE TAXAS

Tras a lectura do noso comunicado no pleno do pasado luns 13 de febreiro, sobre a situación actual do saneamento da marxe dereita da ría e despois de ter asistido ao debate e posterior votación, onde a nova taxa de depuración non foi aprobada, queremos informar á cidadanía de Ferrol dos contidos, reflexións e accións desta Plataforma en relación á taxa e ao saneamento:

Esta Plataforma está de xeito continuado esixindo que canto antes comence a funcionar o sistema de saneamento e depuración das aguas residuais das poboacións da marxe norte da ría de Ferrol. O sistema de saneamento debe e pode comezar a funcionar independentemente do valor da taxa. O próximo pleno anunciado para o mércores 22, pode que se reproduza a situación do pasado luns 13, cun apoio condicionado de Ciudadanos. Mais pode que o Partido Popular se absteña (un xeito de ocultar unha parte da súa grande responsabilidade na falta de depuración e o engano á veciñanza) por iso, a Plataforma queríamos ter, antes do próximo pleno, unha reunión co goberno municipal e grupos políticos que noutro momento compartillaban con nós, unha oposición a esta Taxa e á imposición deste Saneamento, para expoñer cal é a nosa valoración alternativa ao Informe presentado por Emafesa con data de novembro de 2016, sobre as inconsistencias en materia de tarifa eléctrica, consumo eléctrico, caudais... así como se nos responda ás oito preguntas realizadas ao Alcalde, o pasado venres 17 deste mes de febreiro.

Esta Plataforma ten denunciado publicamente a irregular adxudicación a Emafesa do contrato temporal para pór en marcha a depuradora EDAR de cabo Prioriño, pois entendemos que é Augas de Galicia a responsábel da posta a punto tal como manifestou o presidente da entidade D. Francisco Menéndez Iglesias, en xullo de 2011. Tampouco estamos de acordo que sexa Emafesa a encargada de solucionar os problemas deste período de probas e facer as reparacións que correspondan e menos pasar os custes relacionados con estes traballos aos Concellos e usuarios. Queremos recordar á poboación que o socio maioritario de Emafesa é o Concello de Ferrol aínda que sorprendentemente se lle teña concedido por estatutos á parte privada, SOCAMEX, autonomía total de xestión.

O 13 de xaneiro deste ano, reúnen-se en Compostela Augas de Galicia e os alcaldes de Ferrol e Narón. Mentres o alcalde de Narón asume pagar un canon á Augas de Galicia polo uso da depuradora, o alcalde de Ferrol, asume uns compromisos aínda non aclarados publicamente, que pasan porque o noso concello asuma a reparación, posta a punto e asuma o funcionamento da depuradora, sen esixir a Augas de Galicia ningunha responsabilidade, pois é esa entidade a responsábel de que o EDAR recepcionara-se nas condicións que se fixo despois de que a empresa Espina y Delfín S.L., que aparece nos papeis de Bárcenas como empresa pagadora do Partido Popular, realizase a posta a punto no ano 2014, ano no que Rey Varela en plena precampaña electoral, anunciou que a depuradora xa depuraba, para cobrar a Taxa, sen importar-lle engañar á cidadanía sen ruborizar-se. O alcalde asegura ademais, que se non se aproba a Taxa, a depuradora non pode funcionar. A chantaxe é clara. Non só non se lle esixe a Augas de Galicia que poña a funcionar a depuradora xa, xenon que se pretende culpar de que non se depure, a quen pretendemos aplicar os principios de transparencia, democracia, participación, substentabilidade e austeridade no sistema de saneamento da Ría. Se a depuradora non está depurando é só responsabilidade de Augas de Galicia e a Corporación municipal en pleno, debera esixir-llo.

Desde hai máis de dous anos esta plataforma está denunciando publicamente que o sistema de saneamento imposto para a Ría de Ferrol é obsoleto, trapalleiro, ineficiente e moi custoso para a veciñanza. Tamén temos denunciado o abuso que supuxo ter cobrado unha taxa sen que o sistema de saneamento e a súa depuradora estivesen funcionando. Aínda estamos requirindo a devolución dese pago irregular por parte da empresa mixta Emafesa, e exiximos que sexa esta empresa a que proceda a devolver un diñeiro indebidamente cobrado, e non a cargo dos orzamentos municipais .

Temos informado, no pleno do pasado día 13, ao goberno municipal e grupos políticos, a nosa desconformidade ao custe da taxa que agora se propón para o saneamento, e a que dita taxa sexa similar á anterior proposta polo goberno do PP. Unha taxa cuxo cálculo foi cuestionado polos grupos municipais da oposición de aquel momento incluído o grupo que agora está gobernando. Esta Plataforma non dubidará en tomar as accións que correspondan si o pleno de Ferrol aproba unha taxa a todas luces ficticia, exaxerada e feita por e para os intereses de Emafesa.

En consecuencia co anterior e para precisar coa maior exactitude cal é en realidade o custe deste sistema, temos requirido por escrito, o pasado venres ao Sr Alcalde, que nos informe sobre os datos utilizados no estudio dos custes como: caudais de augas residuais a tratar na EDAR, tanto para tempo seco como chuvioso, tarifas eléctricas fixas e variables utilizadas, cómputo de enerxía presuntamente necesaria para o conxunto do sistema e as razóns polas que os estudos realizados até o momento (Fundación Polígono do Pozo, Emafesa, Audigal, Cosma, etc. ) son tan diferentes e inconsistentes.

Ao noso entender tomáronse caudais irracionais (case o dobre en tempo seco e probablemente tamén en tempo chuvioso), tarifas eléctricas exaxeradas, enerxía consumida moi elevada (obviamente pola súa relación directa cos caudais), unha imputación ao Concello de Ferrol dunha porcentaxe de participación nos custes do sistema dun 70%, cando a relación de consumo de auga potábel de Ferrol e Narón é do 60%, e por último a inclusión dunha nova partida de custes para o mantemento dos interceptores cando nos anteriores estudos da taxa no existía este concepto. É de supor que as demais partidas relacionadas cos caudais, como reactivos, lamas, etc. tamén estean aumentadas consecuentemente.

Non chegamos a comprender a falta da intervención, como organismo fiscalizador e de control, nos asuntos nos que se compromete o Concello de Ferrol (Acordos, Informes, Encomendas, Convenios...) que hipotecan as arcas municipais e deixan en quebra técnica a Emafesa, empresa de xestión privada, mais onde o Concello ten o 51% do capital Social, asunto que merece unha explicación.

Por último reiteramos unha vez máis ao Alcalde a realización dunha Audiencia Pública, onde explique a situación real do que está pasando e recupere as posicións programáticas coas que accedeu ao goberno buscando o acordo coas forzas que apostan polo rescate da xestión agora privatizada, pois a auga non debe ser un negocio, é un ben escaso, esencial e común, e o abastecemento e saneamento un dereito.

Esta plataforma reitera unha vez máis que o goberno municipal dado que non ten un verdadeiro control sobre a xestión de Emafesa, responsábel de episodios indesexábeis como foi a crise dos trihalometanos; pasar ao cobro unha taxa por saneamento sen estar operativa a EDAR nin a maioría do sistema, falta de participación na elaboración da taxa que agora se nos quere impoñer e opacidade na situación contábel dos servizos prestados por Emafesa, debe reconducir esta situación, non inxectando cartos dos orzamentos municipais para “sanear” Emafesa, tapando a xestión opaca da parte privada SOCAMEX, senón remunicipalizando o servizo de auga e saneamento: o seu Ciclo integral.

En Ferrol, a 20 de febreiro, de 2017


Exposición
https://youtu.be/cRcvyCTUhgI

Preguntas e Respostas
https://youtu.be/rSntuK4KOuI



PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN

Abonda de saqueo! Hai outras alternativas! Si se pode!
Pódese, débese e precísase!

Alexandre Carrodeguas. | Fernando Ramos Armesto. | Pablo Portero. | Bernardo Rego Gárate. | Lupe Ces. | remunicipalizacion.plataforma@gmail.com |
https://plataformaferrol.blogspot.com.es/

Plataforma Legado Cultural de Sargadelos - xuntanza aberta ao público: luns 20 de febreiro, 19h, Ateneo Ferrolán

20/02/17

Compartimos a convocatoria que nos fan chegar dende a Plataforma Legado Cultural de Sargadelos dunha xuntanza aberta ao público para este luns 20 de febreiro:



A “Plataforma Legado Cultural de Sargadelos” CONVOCA aa cidadanía e entidades sociais a un acto público no ATENEO FERROLÁN este vindeiro luns 20 de febreiro, ás 7h da tarde co fin dar conta das ultimas xestións realizadas pola comisión coordinadora

  • ( Novo nome - Plataforma Legado Cultural de Sargadelos.. )
  • Encontro co Presidente da Academia Galega, Xesús Alonso Montero.-
  • Encontro con Luis Villares.-
  • Proposición Non de lei no Parlamento galego .-
  • Petición encontros grupos parlamentarios .-
  • Suxestións e preguntas .-



Saúdos


- Coordinadora .-

Comité Cidadán de Emerxencia - Lúns 20, CONCENTRACIÓN entrada gaseiro nº 221

19/02/17

Compartimos a convocatoria do Comité Cidadán de Emerxencia  dunha concentración por entrada dun novo gaseiro na ría de Ferrol:



Estando prevista á entrada na Ría do gaseiro cargado con GNL, nº 221, o Comité Cidadán de Emerxencia, convoca:


CONCENTRACIÓN

Lúns, 20 de febreiro de 2017, ás 19 hs.,

diante do Edificio Administrativo da Xunta de Galicia

(Praza de Amada García – Ferrol)




PLANTA DE GAS – PECHE XÁ !



--

Visita a nosa web: www.comitecidadan.org
Tamén en Twitter : @ComitCEmerxenc

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org

...........
Para axudas económicas:
C.c. en Banco Santander, titular: Luz Marina Torrente e outros
Desde España:
00493315772894017995
Desde o Extranxeiro:
ES 71 00493315772894017995

Homenaxe a Agustín Fernández Paz en Ferrol - Venres 17 de febreiro, 20:30h, Auditorio de Ferrol

16/02/17

O pasado mes de xullo publicabamos un artigo en lembranza de Agustín Fernández Paz lamentando a súa perda. Pois ben, temos que celebrar que este venres 17 de febreiro, ás 20:30h no Auditorio de Ferrol terá lugar unha homenaxe á súa persoa á que asistiremos. Compartimos con vos a invitación para participar e agardamos vervos aló:





O rastro que deixamos

Homenaxe a Agustín Fernández Paz

Ferrolterra, Eume e Ortegal


O vindeiro venres, 17 de febreiro, celebrámoslle unha homenaxe en Ferrol a Agustín Fernández Paz.

Por se pode resultar de interese, informámolos da gala que se realizará ás 20:30 horas no Auditorio de Ferrol e achegámoslle o cartel cos detalles, por se queren asistir.

Pregamos difusión.

Un saúdo.



Pola Comisión organizadora,

Xosé Lastra Muruais

xose@lastra.gal

609828368

Comité Cidadán de Emerxencia - Álbum fotográfico: homenaxe a Victoria e Carmelo

13/02/17

Compartimos esta publicación do Comité Cidadán de Emerxencia sobre a homenaxe a Victoria Fernández e Carmelo Teixeiro do pasado sábado:



Hoxe, sábado 11 de febreiro, un grupo de seguidores do Comité Cidadán de Emerxencia, celebrou en Caranza, un acto en lembranza a Victoria Fernández Paredes e a Carmelo Teixeiro Menéndez, quen fora primeiro Coordinador deste Comité, (falecidos en 2013 e 2008, respectivamente), ambos, exemplo de compromiso e solidariedade con todas as causas sociais e uns dos pioneiros na loita en defensa da legalidade, da ría e da vida, fronte á ameaza da Pranta de Gas de REGANOSA.

Iniciouse o Acto, cunha ofrenda floral, na placa existente entre os tres carballos prantados no parque que leva o nome de Carmelo, en Caranza, e continuou coas intervencións de Manuel Rodríguez Carballeira, Coordinador, e Lupe Ces, membro do CCE, a lectura dun poema de José Torregrosa e pechouse coas notas do violín de Estrela Gómez Viñas.



--

Visita a nosa web: www.comitecidadan.org
Tamén en Twitter : @ComitCEmerxenc

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org

...........
Para axudas económicas:
C.c. en Banco Santander, titular: Luz Marina Torrente e outros
Desde España:
00493315772894017995
Desde o Extranxeiro:
ES 71 00493315772894017995
A+ | a-

Séguenos no Twitter