Asociación Cultural Fuco Buxán

Exposición Venta Artistas Solidarios co Ateneo. Do 16 ao 30 de xullo no "Bar Sevilla"

30/07/16

Exposición Venta Artistas Solidarios co Ateneo 
do 16 ao 30 de xullo no "Bar Sevilla" (Galiano nº 20, Ferrol)

Poderás adquirir obras de artistas solidarios co Ateneo Ferrolán 
e así colaborar con esta entidade centenaria como:

Alfonso Costa, Anxo Alvarez, Carlos Pereira Martínez, Carmen Martín, Carolina Martínez, Celestino Poza, Delio Sánchez, Edu Pereira, Inma Doval, Luis Rapela, María Piensos, M.ª Luisa Rojo-Novais, María Leal, Pedro Perico, Raquel Castro, Rosa Guisán, Spela Trobec, e Xaquín Marin.


Ademáis haberá unha Sesión Vermú na inauguración 
o sábado 16 ás 13 h. amenizada polo grupo "A culpa foi de Lolo" 
e na clausura o sábado 30 de xullo un acto de poesía e música.

O Supremo anula o Plan de Emerxencia de REGANOSA. O CCE recurre ante o T.Supremo o acordo do Goberno eximindo a REGANOSA da Evaluación de Impacto Ambiental

28/07/16

Estamos de noraboa: o Comité Cidadán de Emerxencia, a través dunha publicación na súa web acaba de facer saber que o Tribunal Supremo, mediante sentenza 1966/2016 de 26 de xullo cte., anula o Plan de Emerxencia Exterior de REGANOSA, que fora aprobado por RD 144/2007 e recorrido pola Plataforma de Veciños “O Cruceiro” de Mehá.


Pode accederse a esta nova, e á sentencia íntegra na seguinte ligazón: Comité Cidadán de Emerxencia - O Supremo anula o Plan de Emerxencia de REGANOSA
Por outra banda, o Comité Cidadán de Emerxencia tamén fixo público que o pasado día 26 de xullo, a Asesoría Xurídica deste Comité Cidadán de Emerxencia presentou, ante o Tribunal Supremo, Recurso Contencioso Administrativo, contra o acordo do Goberno do PP que excluía a REGANOSA do trámite de Evaluación do Impacto Ambiental.

Solicítase a declaración de nulidade deste acordo e a paralización inmediata das actividades da Planta, como consecuencia das anteriores Sentenzas anulatorias da Autorización Admva. Previa, Autorización de Funcionamento e Plan de Emerxencia Exterior.

Máis información sobre este feito, e o texto íntegro do recurso, na seguinte ligazón: Comité Cidadán de Emerxencia - O CCE recurre ante o T.Supremo o acordo do Goberno eximindo a REGANOSA da Evaluación de Impacto Ambiental

Imos por bo camiño. PLANTA DE GAS, PECHE XA!

40 asociacións denuncian a chegada de GNL obtido mediante fracking e apoian mobilización do CCE

22/07/16

O Comité Cidadán de Emerxencia acaba de publicar un artigo no que fai referencia á chegada estes días do primeiro barco cargado con GNL extraído por fracking a España, e dun comunicado que, apropósito deste suceso, suscriben 40 organizacións denunciándoo, e solidarizándose co Comité Cidadán de Emerxencia na súa labor.

Foto - http://www.electricradiatorsdirect.co.uk/ - http://bit.ly/2a0tEPw

Podedes acceder ao artigo completo na seguinte ligazón: 40 plataformas cidadás e organizacións denuncian a chegada ao estado español do primeiro cargamento de gas de fracking estadounidense, e mostran o seu apoio á convocatoria do CCE en Ferrol.

Tamén aproveitamos para lembrar que hoxe venres 22 de xullo ás 20h, terá lugar en Ferrol, na Praza de Amada García (diante do edificio da Xunta) a concentración contra a entrada deste gaseiro que fai xa o número 213.

Agardámosvos aló! Planta de gas, PECHE XA!

Comité Cidadán de Emerxencia - Concentración por entrada do gaseiro nº 213 en Reganosa o venres 22 de xullo ás 20h

21/07/16

Prevista a entrada na Ría do Gaseiro nº 213, cargado con GNL para REGANOSA, o Comité Cidadán de Emerxencia, convoca:

CONCENTRACIÓN

Venres, 22 de Xullo, ás 20 hs

diante do Edificio da Xunta de Galicia

(Praza Amada García – Ferrol)




O gas que transporte este buque procede de U.S.A. e foi obtido aplicando a técnica de fracking, procedemento como se sabe moi cuestionado polo seu importante efecto contaminante sobre a superficie, a atmósfera, os acuíferos, acústica, a súa propensión a desencadenar actividades sísmica e de radiación e con efectos nocivos para a saúde dos seres vivos.


Características do buque:
Nome:
Sestao Knutsen, bandera: España, eslora: 284 m, manga: 43 m, calado: 11,6 m, capacidade: 135.000 m3



PLANTA DE GAS: PECHE XÁ !

SOS Sanidade Pública - Campaña de crowdfunding para os gastos legais da denuncia contra financiamento e xestión do Novo Hospital de Vigo

20/07/16

A Asociación Galega para a Defensa da Sanidade Pública presentou, no nome de SOS Sanidade Pública, o pasado setembro unha denuncia ante a Comisión Europea contra a adxudicación do financiamento e xestión do Novo Hospital de Vigo a unha Concesionaria privada con fortes ligazóns co PP e a Xunta de Galicia.

A denuncia se fundamentaba na utilización indebida da figura legal de Concesión de Obra Pública para non dar explicacións; os recortes do Proxecto Funcional para abaratar custos ás empresas adxudicatarias; o financiamento do proxecto polo SERGAS mediante un crédito do Banco Europeo de Investimentos pese a que este debería ser cuberto pola Concesionaria; e a vulneración da lexislación da UE para ocultar o endebedamento público pola construción do hospital.

Foto: Economía Dixital - http://bit.ly/2a9d3v0

A Comisión Europea admitiu a demanda e abriu un proceso de investigación que pode acabar na apertura dun procedemento de infracción e o rescate da concesión sen indemnizar ás empresas privadas beneficiarias desta cacicada.

Pese ao esforzo económico realizado pola AGDSP non fomos capaces de facer fronte aos gastos legais da denuncia.

Por iso solicitamos ás organizacións das Plataformas SOS Sanidade Pública de Galicia e a aquelas plataformas, asociacións, sociedades, organizacións e persoas que están en contra da privatización da sanidade galega unha axuda económica para facer fronte a estes gastos, para o que abrimos un crowdfunding para facelas efectivas desde internet, no seguinte enlace:


Prégase a máxima difusión da información para conseguir o obxectivo e poder financiar a demanda presentada.

Tamén recordar que a pesares das datas nas que nos atopamos e sendo conscientes do esforzo que supón, a plataforma SOS Sanidade Pública de Vigo e a Xunta de Persoal, convocamos unha CONCENTRACIÓN o xoves 21 de xullo na rúa Pizarro, diante das antigas urxencias do Xeral, ás 20 horas.

Na concentración reclamamos:

1.- RESCATE DO H. ÁLVARO CUNQUEIRO.

2.- USO SANITARIO DO ANEXO I.

3.- APERTURA DE TODAS AS CAMAS DE HOSPITALIZACIÓN.

4.- APERTURA DA UNIDADE DE CRÍTICOS NO MEIXOEIRO.

5.- NIN UNHA DERIVACIÓN Á SANIDADE PRIVADA.

6.- PLAN DE CHOQUE PARA REDUCIR AS LISTAS DE ESPERA.



Senra alerta á Comisión Europea da vulneración legal implícita na autorización de Reganosa forzada polo PP

15/07/16

O Comité Cidadán de Emerxencia publica no seu blog un comunicado do GUE/NGL (grupo europarlamentar Esquerda Unitaria Europea - Esquera Verde Nórdica) do cal forma parte AGE. Neste comunicado redactado pola europarlamentaria Lidia Senra, informa que denunciarion "na CE que o PP teima en favorecer unha instalación perigosa para a poboación declarada "ilegal" até en dúas ocasións polo Tribunal Supremo", apuntando "a urxencia de reverter esta aprobación, por carecer de avaliación de impacto e non ter sido sometida a consulta pública", tal e como obriga a lexislación europea.

Para máis información:
Comité Cidadán de Emerxencia - Lidia Senra alerta á C E da vulneración legal implícita na autorización de Reganosa forzada polo PP

En lembranza de Agustín Fernández Paz (1947 - 2016)

O pasado martes 12 de xullo tivemos noticia do falecemento do escritor Agustín Fernández Paz. Se ben, era coñecido por ser un prolífico e recoñecido autor de literatura infantil e xuvenil, e gran defensor da lingua, nos queremos lembralo tamén como bo amigo da nosa asociación, e como home comprometido. Aló polo ano 2007, e tras as brutais cargas policiais contra as persoas que protestaban pola apertura de Reganosa e a entrada do primeiro gaseiro, foi dos primeiros persoeiros en comprometer a súa presenza na manifestación que tería lugar en Ferrol o 3 de xuño solicitando a liberdade de Bernardo Bastida (3 de Junio, Manifestación a las 12h Puerto de Ferrol (Seguimos sumando apoyos…) ). Tamén tivemos o grandísimo honor de que fose él quen fixese a presentación en Vigo, o 18 de setembro de 2012, do libro O latexo da vida e da conciencia. Memorias colectivas de Rafael Pillado, un feito que lembraba na súa páxina web nunha publicación que titulou Era inverno cruel de chumbo e morte.



Non so queremos aproveitar esta pequena nota para lamentar a súa perda, e trasladar o noso máis sentido pésame aos seus achegados, senón para dar vida á lembranza que del gardamos na nosa asociación; lembranza que, mentres perdure, él perdurará nela.


PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN: Acto en Ferrol, vídeoconferencia con Jordi Colomer i Missé, sobre remunicipalización da xestión de servizos municipais e o caso da recollida de lixo e limpeza viaria - Xoves 14 de Xullo, ás 8 da tarde en Caranza, no local de Fuco Buxán

13/07/16

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN:
Acto en Ferrol, vídeoconferencia con Jordi Colomer i Missé, sobre remunicipalización da xestión de servizos municipais e o caso da recollida de lixo e limpeza viaria - Xoves 14 de Xullo, ás 8 da tarde en Caranza, no local de Fuco Buxán:
Acto en Ferrol, vídeoconferencia con Jordi Colomer i Missé, sobre remunicipalización da xestión de servizos municipais e o caso da recollida de lixo e limpeza viaria


Día: xoves 14 de Xullo de 2016. 
Hora: 8 da tarde. 
Lugar: no local de Fuco Buxán (Rúa Armada Española, 32 Baixo), en Caranza-Ferrol. 

 Jordi Colomer i Missé, activista e técnico especializado en remunicipalización e xestión dos servizos públicos. Licenciado en Ciencias Ambientais pola UAB. Foi no concello catalán de  Arenys  de  Munt, o  responsábel da remunicipalización da auga do concello entre 2011 e 2014 | + Info.

A remunicipalización da xestión de servizos municipais. | 10 febr., 2016 a Blog / Campanyes | Autor: Jordi Colomer i Missé, especialista en xestión de servizos públicos municipais e remunicipalización. | Font orixinal: Ecología política, Nº 49, 2015, págs. 106-111. | Acceder ou baixar, en: PDF ou HTML.

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN Abonda de saqueo! Hai outras alternativas! Si se pode! Pódese, débese e precísase! 

  • Alexandre Carrodeguas. 
  • Fernando Ramos Armesto.
  • Pablo Portero. 
  • Bernardo Rego Gárate. 
  • Lupe Ces. 

remunicipalizacion.plataforma@gmail.com 
https://plataformaferrol.blogspot.com.es/

Sábado 9 de xullo: III Xuntanza Diversa da Asociación Grupo Diversidade Funcional Ferrol e Comarcas

08/07/16

Compartimos con vos a invitación que nos fai chegar esta asociación para este sábado 9 de xullo, a partires das 13:00h, no seu local situado na Rúa Colon, esquina coa rúa Mendizabal, B/4 P/5 Baixos 38-39, en Esteiro - Ferrol.


Bo día!

Enviamos invitación para todas as persoas que estean interesadas en compartir connosco a chegada do verán na III Xuntanza Diversa que imos levar a cabo o vindeiro sábado 9 de Xullo.

Como nas anteriores xuntanzas compartiremos os nosos alimentos uns cos outros polo que pedimos que a persoa que veña comer que traía dúas racións e bebida para compartir.

Quen non puidese acudir á hora de comer pode vir pola tarde e pasar un bo rato xa que teremos distintas actividades a realizar e cómo non: O sorteo tan esperado... Non o podedes perder.

Enviamos asimesmo o cartel para que o fagades extensivo aos vosos socios ou amigos.



Graciñas

Un saúdo

Mari Morado




ASOCIACIÓN GRUPO DIVERSIDADE FUNCIONAL FERROL E COMARCAS
R/Colon esq. Mendizabal B/4 P/5 Baixos 38-39 15406 Ferrol
Tlf: 981930544, Mobil: 620485450

E-mail: diversidadefuncionalferrol@hotmail.com
Blog: http://rachandobarreiras.blogspot.com

Alegacións ao proxecto de nova autorización de Reganosa

O Comité Cidadán de Emerxencia presentou ante a Dirección General de Política Energética y Minas del Ministerio de Industria Energía y Turismo, escrito de ALEGACIÓNS, con data 1.07.2016 e AMPLIACIÓN DE ALEGACIÓNS o 5.7.2016, ao Proxecto de Resolución de NOVA AUTORIZACIÓN ADMINISTRATIVA PREVIA Á PLANTA DE GAS DE REGANOSA, logo de que a anterior Autorización fora declarada ilegal polo Tribunal Supremo.



A esta sentenza de ilegalidade do Supremo, respondeu o Goberno en funcións do Partido Popular, eximindo a REGANOSA da Declaración de Impacto Ambiental.

Unha vez máis o Goberno, que debera ser o primeiro garante no cumplimento das sentenzas xudiciais, actúa de cómplice das irregularidades e corrupcións desta Planta de Gas de REGANOSA, fraude e amenaza permanente para a cidadanía.

ESCRITODE ALEGACIÓNS

ESCRITODE AMPLIACIÓN DE ALEGACIÓNS.




Máis información na web: www.comitecidadan.org
Tamén en Twitter : @ComitCEmerxenc

Comité Cidadán de Emerxencia
para a Ría de Ferrol

comitecidadan@gmail.com

Para axudas económicas:

C.c. en Banco Santander, titular: Luz Marina Torrente e outros
Desde España:
00493315772894017995
Desde o Extranxeiro:
ES 71 00493315772894017995

Sobre a concentración e Badaladas por un plan contra o suicidio en Ferrol o pasado 30 de xuño

Tal e como anunciamos na publicación Xoves 30 de xuño, 20h - Badalada en prevención do suicidio na Praza de Armas, Ferrol, tivo lugar esa concentración, na que se fixo lectura deste manifesto:


MOBILIZACIÓN e BADALADAS na PRAZA do CONCELLO de FERROL este día 30 de Xuño.
Ante o grave problema do crecemento do suicidio en Galicia desde a Plataforma SOS Sanidade Pública esiximos a Conselleria de Sanidade
  1. A elaboración con carácter prioritario un Plan Galego sobre o Suicidio de carácter multisectorial, dotado dos recursos necesarios para afrontar a gravidade do problema e artellado no Plan de Saúde Mental de Galicia coa implicación da comunidade.

  2. A constitución dun Comité Técnico para elaborar dito Plan

  3. A creación de Comisións Clínico-Asistenciais en cada Xerencia de Área de carácter multiprofesional e multisectorial destinadas a coñecer e estudar a realidade do suicido en cada Área, realizar informes, identificar grupos e situacións de risco e elaborar opostas e protocolos de intervención

Mentres se elabora o Plan consideramos necesario:

  • Que a Conselleria de Sanidade e o SERGAS leven adiante actividades informativas, en colaboración cos medios de comunicación, para informar a poboación sobre o suicidio coa finalidade de sensibilizala e desestigmatizar o problema

  • Mellorar o nivel de coñecemento dos profesionais de Atención Primaria sobre o problema e incrementar a súa capacidade para explorar o risco, avalialo e realizar actuacións preventiva adecuadas.
  • Desenvolver protocolos específicos de atención a persoas con conducta suicida e a afectados por suicidio consumado.
  • Facilitar con carácter prioritario o acceso a recursos asistenciais as persoas en risco, incrementar o seguimento, e intensificar a atención sanitaria e social das mesmas.



Aproveitamos tamén para compartir o texto que nos fixo chegar a este respecto Xaquín Campo Freire, sacerdote e traballador como enfermeiro no Sergas por moitos anos, e que está publicada na nosa sección Pensamento Crítico, xunto con outras informacións e columnas de opinón que consideramos de interese:  Cada día suicídase polo menos unha persoa na Galiza. - Xaquín Campo Freire.


Sábado 9 de xullo, en Outeiro de Rei, 3º Convívio da Cultura Galega

04/07/16

Dende a Casa-Museo Manuel María recibimos esta invitación para asistir ao 3º Convívio da Cultura Galega, que terá lugar o vindeiro sábado 9 de xullo na Carballeira de Santa Isabel, en Outeiro de Rei:

Prezadas amigas,
Prezados amigos,

A xa terceira edición do Convivio da Cultura Galega chega nun ano cheo de significado: a dedicación das Letras Galegas de 2016 a Manuel María, o poeta de Outeiro de Rei e da Terra Chá. O lugar escollido, a Carballeira de Santa Isabel, a moi poucos metros da casa onde naceu, é un dos espazos que o escritor máis amou e cos que máis se identificou. Será o sábado 9 de xullo a partir das 11 da mañá.

O Convivio da Cultura Galega é, como saberedes, unha iniciativa impulsada desde a Casa-Museo Manuel María, a federación Galiza Cultura de asociacións culturais galegas e a Asociación Musical e Cultural Solfa de Compostela.



Naceu, unha vez inaugurada hai case 3 anos a Casa-Museo Manuel María, como unha xornada festiva e de encontro aberta a todo o tecido cultural galego de base que quixer participar dela. Acompañada sempre, como non, de música, de xantar compartido nun lugar marabilloso onde as augas do Ladra se xuntan coas do Miño...

Gustaríanos contar coa vosa participación nesta xornada como asociacións ou persoas que traballades arreo no ámbito da cultura galega de base. Dentro da propia programación, que vos achegamos no arquivo que vai anexo, veredes que despois do xantar haberá un tempo para o encontro entre todos os colectivos culturais e persoas que a título individual queiran participar: trátase de coñecernos, de coñecer e compartir propostas ou experiencias que se estean a desenvolver en diferentes zonas do país...e tamén de intentar artellar, se fose posíbel, iniciativas comúns.

Para calquera consulta, proposta ou suxestión non dubidedes en contactar connosco a través deste correo ou do enderezo-e  contacto@casamuseomanuelmaria.gal. Tamén no teléfono 698 177 621.

Achegamos a ligazón ao evento creado no Facebook: agradecemos moito que nos axudedes a darlle difusión ao evento na medida das vosas posibilidades: https://www.facebook.com/events/1034759106620170/

Agardándomos poder contar coa vosa participación, recibide unha moi cordial aperta

Casa-Museo Manuel María




A Plataforma na Defensa dos Servizos Públicos, pola Remunicipalización de Ferrol interviu no Pleno do 30 de xuño pedindo o desestimento do Contrato Eléctrico e a investigación da actuación do bufete asesor Lama&Asociados

01/07/16

A Plataforma na Defensa dos Servizos Públicos, pola Remunicipalización de Ferrol interviu no Pleno do 30 de xuño facendo a lectura dun manifesto no que solicitaba o desestimento do Contrato Eléctrico e a investigación da actuación do bufete asesor Lama&Asociados.

O texto e o vídeo da intervención podedes atopalo na seguinte publicación do seu blog: Intervención da Plataforma na Defensa dos Servizos Públicos e pola Remunicipalización no pleno de Ferrol pedindo o desestimento do Contrato Eléctrico e a investigación da actuación do bufete asesor Lama&Asociados - Vídeo e Texto

Como vimos anunciando, esta plataforma leva uns meses realizando unha intensa labor tanto informativa como establecendo contactos coa fin de aportarlle á cidadanía e ao Concello de Ferrol ferramentas que lle permitan recuperar a explotación de servizos fundamentais. Unha remunicipalización que -citando o texto da intervención no pleno- "... sempre que se faga con criterios de boa xestión, transparencia, participación e racionalidade, resulta moi beneficiosa para a institución que a aplica, e satisfactoria e beneficiosa para a cidadanía que a percibe e goza."

Polo momento, parece que comeza a haber avances positivos no traballo co Concello, tal e como anuncia a seguinte publicación: Contrato Eléctrico: Germán Costoya, avanzou que se está a traballar para sacar adiante dous contratos separados, un de mantemento e outro de subministro, por un período curto de tempo que sería empregado para artellar a remunicipalización

Dende aquí, animamos a toda a cidadanía a involucrarse neste proceso, manténdose ao tanto e participando das iniciativas desta plataforma.

Para máis información:

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!


remunicipalizacion.plataforma@gmail.com
https://plataformaferrol.blogspot.com.es/

Exposición e Talleres de Artesanía no Ateneo Ferrolán

30/06/16


Exposición e Talleres de Artesanía que Organiza a A. C. "Camiño da Artesanía" do 2 ao 15 de xullo nas salas de exposicións do Ateneo de 10:00 horas a 14:00 horas.

A inauguración terá lugar o venres día 1 de xullo ás 20 horas.

Exposición e Talleres da asociación "Camiño da Artesanía"

Os seus principais obxectivos son o dar a coñecer o oficio artesanal como parte de cultura, o intercambio de coñecementos entre artesáns e transmitir os coñecementos a novas persoas para divulgar a artesanía.

Para iso a Asociación ten previsto actividades como impartición de talleres en centros educativos e locais sociais, exposicións dos traballos artesanais, asistencia a feiras e mercados para presentar os traballos e conferencias e charlas para dar a coñecer o oficio artesanal.

Para este ano en curso as nosas actividades previstas serán: Cestería, palillos, coiro e metal para os cales se impartirán cursos avanzados e de iniciación e ademais exposicións para darnos a coñecer.


A+ | a-

Séguenos no Twitter