Hoxe estamos aquí como colectivo cidadán
composto por organizacións políticas e sociais, sindicatos e partidos
políticos, pero sobre todo por cidadáns preocupados pola situación que está a
vivir o pobo iraniano.
Como demócratas temos a obriga moral de alzar
as nosas voces ante esta nova orde mundial que nos están a impoñer, coa escusa
de liberar aos pobos da opresión. Nada pode xustificar os salvaxes bombardeos
de EEUU e Israel co asasinato de centos de inocentes.
Dende aquí queremos mostrar todo o noso apoio
ao pobo Iraniano.
Por todo isto:
MANIFESTAMOS; que rexeitamos rotundamente os
ataques criminais executados polos gobernos e as súas forzas armadas tanto de
EEUU como do Estado de Israel contra o pobo Iraniano.
Ataques que supoñen unha grave violación do
Dereito e a legalidade Internacional.
MANIFESTAMOS; que ámbolos dous estados, coa
súa actitude imperialista e xenocida, supoñen unha grave ameaza para a paz, non
soamente na rexión, senón que son un perigo real para a paz mundial.
CONDENAMOS; os salvaxes ataques e bombardeos
tanto dos EEUU como de Israel contra a poboación civil, levándose por diante
milleiros de vidas de cidadáns inocentes.
MANIFESTAMOS; que é o pobo iraniano quen debe
decidir o seu futuro sen inxerencias externas do imperialismo imperante.
Dende o colectivo cidadán de Ferrolterra
facemos un chamamento ao conxunto da cidadanía, sindicatos, organizacións
políticas, sociais e de todo tipo, a manifestar de forma clara e rotunda a
condena sen paliativos destas agresións.
Facemos un chamamento a defender o Dereito
internacional e traballar por unha paz xusta e duradeira en Oriente Medio, que
necesariamente debe incluír un alto o fogo permanente.
EXIXIMOS:
-
O cese inmediato
dos ataque a Irán por parte de EEUU e Israel.
-
O fin dos
ataques e invasión ao Líbano, ao xenocidio en Gaza e á situación de apartheid
que se está a sufrir en Cisxordania, das que son responsable o goberno e o exército
de Israel, así como o recoñecemento dos dereitos do Pobo Palestino de acordo
coa legalidade internacional.