Estimados/as amigos/as:
Dende a Asociación Galega para a Defensa da Sanidade Pública (AGDSP)
apoiamos a nova manifestación do día 6 de abril do 2025, as 12 h. en Compostela, en
protesta do grave deterioro do Sistema Sanitario Público en Galicia, co lema ”Máis
Atención Primaria, Máis Atención Hospitalaria e Máis Sanidade Pública”.
A AGDSP apoiamos a reivindicación dunha subida do 25% do gasto sanitario
por parte da administración; Centros de Saúde e PACs dotados e equipados de
persoal suficiente de tódalas categorías profesionais, accesibles en 24-48 horas;
consultas presenciais a pedimento do paciente; reorientar a Atención Primaria á
promoción, prevención, traballo comunitario e a participación social. Oposicións que se
correspondan cos postos de traballo vacantes nestos momentos e que teñamos nos
Centros de Saúde e PACs, a cobertura de persoal que corresponde.
En Atención Hospitalaria, reivindicamos a utilización plena dos recursos
existentes, tanto de mañá como de tarde; recuperar os múltiples recortes que fixo o PP
nos hospitais comarcais; acabar ca política de priorizar a concertación ca privada;
restitución ao Sistema Público dos centros privatizados; un plan para reducir as listas
de agarda e non seguir agochando a verdade das mesmas; esixencia da dedicación
exclusiva ao persoal médico.
Para o conxunto da Sanidade Pública: incrementar o orzamento Sanitario
Público; elaborar un Plan de Saúde Galego que adapte os recursos ás necesidades;
recuperar os servizos privatizados e as Áreas Sanitarias pechadas; potenciar a Saúde
Pública para combater as epidemias para a saúde. Recuperar a Participación Cidadá
nos Consellos de Saúde de Área Sanitaria e no Consello de Saúde de Galciia. Plan
Galego de Saúde Mental consensuado.
Desde a Consellaría de Sanidade, a mensaxe (tras anos de negar a crise do
sistema) é que falta persoal médico e que a culpa a ten o Ministerio de Sanidade,
mentres mantén a política de recortes, desmantelamento do Sistema Público, para
abrir as portas ao sector privado e manter a precarización do persoal que traballa no
Sistema Público.
Desde a nosa Asociación, consideramos que só mediante unha gran alianza
social e profesional será posible frear o deterioro e iniciar a recuperación do Sistema,
xa que a poboación e os traballadores somos os perxudicados pola crise dunha
Sanidade Pública, que ata hai uns anos era considerada un dos mellores sistemas
sanitarios do mundo.
En base a sto propoñemos a todalas Organizacións e Categorías Profesionais
que traballan en Atención Primaria, Hospitais e Saúde Pública, sumarvos a esta nova
mobilización pola Defensa e Mellora do Sistema Sanitario Público Galego. Para elo,
plantexamos unha xuntanza de todalas organicacións, para debater sobre estos temas
e os que consideredes que podan mellorar a Asistencia Sanitaria Pública en Galicia.
Respondede neste mesmo correo electrónico, si ides participar nesta xuntanza que
manteremos e que avisaremos en breve. Un saúdo.
Asociación Galega para a Defensa da Sanidade Pública.