| mar, 12 nov, 17:17 (hace 5 días) |  | ||
| ||||
Diante da estratexia de chantaxe e fake news das grandes compañías que prestan servizo á mutualidades sobre os riscos de que colapse MUFACE se non é incrementan nun 40% os fondos que reciben do Estadio, desde a Asociación Galega para a Defensa da Sanidade Pública ADSP queremos sinalar que:
1. Non é verdade que as aseguradoras estean ao bordo da quebra polas primas que reciben por cada funcionario/a que deben atender. En 2023 gañaron 10.500 millóns de euros (a contribución do mutualismo administrativo foi tan do 17%). As aseguradoras están a multiplicar as súas ganancias grazas aos seguros privados complementarios (que xa contratou o 25% da poboación) grazas á política de recortes e desmantelamento da Atención Primaria de moitos gobernos autonómicos gobernados polo Partido Popular
2. Non é verdade que se desaparecese MUFACE vaia a colapsar o sistema sanitario, dado que supoñería apenas un 2% a demanda
3. Non é verdade que MUFACE aforre gasto ao sistema sanitario xa que na súa inmensa maioría aten a persoas mozas que gozan de boa saúde. As persoas de máis de 65 anos (minoritarias en MUFACE) realizan un gasto sanitario tres veces maior que o resto da poboación.
Consideramos inaceptable que:
• O goberno siga mantendo un sistema obsoleto que a Lei Xeral de Sanidade de hai case 40 anos declaro a extinguir e cuxo único obxectivo é subvencionar ás grandes aseguradoras privadas con fondos públicos.
• O Ministerio para a Transformación Dixital e da Función Pública prolongue artificialmente un modelo de atención sanitaria que debería depender do Ministerio de Sanidade e debería estar descentralizado aos Servizos de Saúde Autonómicos como o resto da sanidade publica.
• Un goberno progresista financie servizos privados para a atención sanitaria de servidores públicos
• Algúns sindicatos que representan ao persoal funcionario do sector publico acepten e participen dunha chantaxe promovida polo sector privado e esixan que se prolongue un situación de privilexio (mentres manteñen as vantaxes do funcionariado público (estabilidade, seguridade, contratación indefinida …).
Asociación Galega para a Defensa da Sanidade Pública