ACTO AMADA GARCÍA Y REPRESALIADOS FUSILADOS en el Castillo SAN FELIPE

ÁLBUM FOTOS: https://drive.google.com/drive/folders/1QZ1E4ZmP-AVRfUc9nMpfnMnz6snzAzMu?usp=sharing

Hoxe 27 de xaneiro, organizado pola A.C. Memoria Histórica Democrática, tivo lugar no Castelo de San Felipe un sinxelo acto en lembranza de Amada García e os sete compañeiros asasinados con ela, tal día de 1938, pola Ditadura franquista.

Lembranza extensiva tamén as moitas mulleres asesinadas por exercer os seus ideais de progreso e igualdade e a todas as vítimas da ditadura e ás súas familias: a quen lles quitaron a vida, ou sofriron cárcere, torturas, violacións, exilio, perda dos seus empregos, multas e todo tipo de maltratos e discriminacións.

Inteviron no acto, Amada Taimir, neta de Amada, o Presidente da nosa Asociación Manuel Fernández Pita, o historiador Bernardo Máiz e deuse lectura ao poema de José Torregrosa “Ay Amada, bien amada”, realizándose una ofrenda floral de todas as personas asistentes.

Desde a familia de Amada e a nosa Asociación agradecemos as persoas que a título personal ou representando a entidades e asociación nos acompañaron.

A continuación depositamos unhas flores nas foxas e sepulturas do Cemiterio de Serantes, onde xa o Concello de Ferrol colocara centros florais.

Fotografías de: Beatriz Rascado, Chelo Carballal, Juan Manuel Galán e Concello de Ferrol.

Acusados de "Rebelión Militar," aquel 27 de xaneiro de 1938, foron fusilados neste lugar e soterrados no Cemiterio de Serantes:

Amada García Rodríguez, de Mugardos, 27 anos, casada, deixaba unha filla e un fillo recén nacido.

Os veciños de Mugardos:

Antonio Eytor Cañizo, de 57 anos, carpinteiro, Concelleiro

Juan José Teijeiro Leira, de 42 anos, casado, 1 fillo, mariñeiro,

José María Montero Martínez, de 39 anos, casado, enterrador.

Ángel Roldós Gelpi, de, 50 anos, casado, con fillos, comerciante

Os veciños de Ares:

Jaime González Pérez, de 31 anos, solteiro, dependente na farmacia do seu pai.