. Comparto a nota de prensa de Ortegal di non á raíz da reunión mantida pola plataforma con varios alcaldes da comarca, por se fose do voso interese. Fixo referencia a ela Ricardo na última xuntanza, na que se acordou a súa distribución.
Pola vaga de proxectos eólicos que están proxectados nas nosas comarcas de Ferrolterra, Ortegal, Eume e
Terra Cha, dende as plataformas cidadás Ortegal di Non, Cerdido di Non e Afectados por eólicos de
Vilaboa, convocamos unha reunión o pasado mércores 18 de outubro en Ortigueira, na que participaron os
alcaldes dos concellos de Moeche, San Sadurniño, Cerdido, Ortigueira e Mañón e desculpou a sua
ausencia o alcalde de Cedeira.
Nesta xuntanza puxemos enriba da mesa as inquedanzas sobor destes proxectos e propuxemos uns puntos
en común para favorecer os intereses de toda a veciñanza afectada marcando unha folla de ruta na que
traballaremos en conxunto para conseguir que a nosa voz sexa máis forte e garantir os dereitos de todos os
veciños e veciñas das nosas comarcas.
Nin plataformas nin entidades locais estamos en contra da transición enerxética, pero si da forma abusiva
en que se queren impoñer estes proxectos que non están deseñados para o ben da nosa sociedade, se non
so para o beneficio duns poucos.
As plataformas convocadoras queremos dar as grazas por este esforzo de acudir á reunión e resaltamos o
bo ambiente e compromiso dos asistentes para seguir traballando nesta liña.