 22:17 (hace 1 hora) | | ||
A Asociación Cultural Fuco Buxán participará un ano máis no MOVEMENTO ACAMPA POLA PAZ que celebrará o seu VII Encontro Internacional este fin de semana, días 16, 17 e 18 de xullo nos Xardíns de Méndez Núñez de A Coruña baixo o lema ODIO OU CONVIVENCIA.
Nesta nova edición recrearase un campamento de refuxiados arrasado polo lume ao que se poderá acceder con visitas guiadas, nas tres xornadas, xunto cun grande número de actividades (música, fotografía, vídeo, charlas...) que poderás atopar en https://coruna.redeacampa.org/
Este ano outorgouse o III Recoñecemento á Defensa dos Dereitos Humanos ao Presidente de Uruguay José Mujica e ao noso compañeiro e amigo Rafael Pillado. O recoñecemento terá lugar o domingo 18 na carpa central ás 12:15 h. como peche desta nova edición. Previamente, e durante os tres días do evento, a Asociación Cultural Fuco Buxán terá presenza nas instalacións nun espazo onde exhibiremos publicacións e materiais diversos das nosas actividades socioculturais.