A CONFRARÍA DE PESCADORES.
Onte tivo lugar a prentación, no Centro Cívico de Canido, do libro deste título, ao que se engade “Memoria e presenza da corrupción franquista na Ría de Ferrol”. Da autoría do profesor e historiador Enrique Barrera Beitia, o libro foi promovido polas Asociacións Culturais Fuco Buxán e Memoria Histórica Democrática, enmarcado nas conmemoracións do 50º Aniversario do Dez de Marzo de 1972, e relata a loita pola democracia e a mellora das condicións laborais neste sector das xentes do mar, levada a cabo polo entón Patrón Maior, Manuel Pillado e os seus colaboradores, fronte á corrupción da ditadura.