Presentación polo CCE de novo Recurso de Alzada contra as autorizacións a REGANOSA

O Comité Cidadán de Emerxencia continúa a súa loita contra a instalación ilegal da planta de gas de Reganosa, e os movementos que dende a política se están a dar para garantir a súa continuidade, en contra das decisións do Tribunal Supremo.

Logo da presentación de Alegacións, varias Entidades da Comarca, en nome do Comité Cidadán de Emerxencia, presentaron o pasado luns 8 de agosto, ante a Secretaría de Estado de Enerxía Recurso de Alzada, contra a Autorización Administrativa Previa e o Proxecto de Execución outorgado a REGANOSA, o pasado 7 de xullo, polo Goberno en funcións do Partido Popular.

Máis información, e o documento íntegro presentado, na seguinte ligazón:
Comité Cidadán de Emerxencia - Presentación polo CCE de novo Recurso de Alzada contra as autorizacións a REGANOSA