Asociación Cultural Fuco Buxán

Os Murais de Quessada xa están no Auditorio


A Asociación Cultural Fuco Buxán expresa a súa satisfacción e o seu agradecemento á Fundación Xaime Quessada Blanco e ao Goberno do Concello de Ferrol, que posibilitaron a exposición pública, de dúas importantes obras pictóricas relacionadas coa historia de Ferrol.

Desde hoxe, a cidadanía poderá disfrutar dos murais de Xaime Quessada Porto, no marco excepcional do Auditorio Municipal de Caranza, ambos realizados polo artista na Praza de Armas de Ferrol:

Mural Anti – OTAN, de 1981, feito a solicitude do PCG. (20 x 4 m.)

Mural en Defensa da Ría e da Vida, de 2002, a petición do Comité Cidadán de Emerxencia, contra a ubicación da Planta de Gas. (16 x 2,40 m.)

Este acto foi o primeiro das vindeiras celebracións que farán do 2016 o “Ano Quessada en Ferrol”.

Parabéns a cantos/as contribuiron a facer posible esta importante manifestación artística e social que enriquece á cidade de Ferrol. Alcaldía, Concellería de Cultura, Equipo de Goberno, Fundación Quessada Blanco.

Até o día 17 de marzo, pódese visitar en horario de 11,30 a 13:00 horas e de 17:00 horas a 21:00 horas. Despois sempre que se asista aos actos programados no Auditorio.






A+ | a-

Séguenos no Twitter