Asociación Cultural Fuco Buxán

Proxección do documental "FÍOS FÓRA"

Informarvos que o vindeiro luns 22 de febreiro ás 12.00 h, realizarase a proxección do documental FÍOS FÓRA no salón de actos do campus de Esteiro, organizada en conxunto coas súas autoras Illa Bufarda e da ONG Amarante Setem.

O documental trata sobre as mulleres traballadoras do sector téxtil, aquí e alá, que foron a man de obra perfecta para erixir unha industria xigante, na actualidade deslocalizada.


Non volo perdades!. Entrada libre.
 
Por moi finos que sexan, detrás de tódolos fíos que nos rodean hai historias. As mulleres galegas que traballaron no sector téxtil dende os 60 foron a man de obra perfecta e cautiva para erguer unha industria xigante que agora se atopa deslocalizada. Este documental fai un novelo do sector téxtil aquí e fóra, antes e agora. A historia repítese nos fíos doutros lugares, nos nós deste sistema. Un documental con historias de obreiras entre costuras e patróns. Realizado por Illa Bufarda para Amarante Setem.

 

 

 

Enlaces externos

A+ | a-

Séguenos no Twitter