A A.C Fuco Buxán amosa o seu total apoio ao Ensino Público Galego e á Universidade Pública Galega ante os salvaxes recortes, agresións e ataques levados a cabo polo Conselleiro de Ensino Xesus Vázquez e polo goberno de Feijoo e do PP da Xunta de Galicia.
Denunciamos que o goberno de Feijoo e do PP desde a súa chegada ao goberno da Xunta de Galicia no ano 2009 recortou uns 86 millons de euros á financiación das Universidades Públicas Galegas e como denuncian os seus reitores o goberno de Feijoo está levando a cabo un ataque sistemático contra as Universidades Públicas Galegas asfixiándoas economicamente e levándoas a unha situación de emerxencia social e de total abandono por parte das Administracións Públicas. Cremos que estes salvaxes recortes son profundamente ideoloxicos, clasistas e neoliberais, pois rachan a igualdade de oportunidades, converten as Universidades nun coto privado so accesíbel aos ricos, mercantilizan o Ensino, expulsan das Universidades Publicas ao alumnado con menos recursos económicos co salvaxe recorte das becas e a subida brutal das tasas universitarias, converten o Ensino nun negocio e nun privilexio pra unha minoría e buscan que o Capital Privado faga negocio nas Universidades Publicas Galegas. Tamén denunciamos o recorte dos fondos públicos destinados ao Ensino Público e as Universidades Públicas Galegas que vai destinado a incrementar os beneficios do Ensino Privado e Concertado Galego.
Desde a A.C. Fuco Buxan defendemos e seguiremos defendendo un Ensino Público Galego, gratuito, universal, de calidade, científico, democrático, de todos/as e pra todos/as. Un Ensino Publico Galego que defenda o noso idioma galego, que fomente o pensamento crítico, o progreso e benestar social de toda a ciudadanía, a igualdade de oportunidades, os valores democráticos,o respecto aos Dereitos Humanos e a igualdade de dereitos entre persoas, pobos e países.
Celso Posada Fernández
Área de Ensino e Xuventude.