Ferrol, 14 de marzo de 2025
O pasado 8M celebrouse o Día internacional da Muller.
Dende a biblioteca queremos visibilizar esta iniciativa a través dos instantes literarios. O obxectivo da actividade é comentar e recibir recomendacións literarias de parte de persoas vinculadas ao mundo dos libros e, neste caso, do feminismo.
O 20 de marzo, de 17.00 a 19.30 h poderás vir e comentar brevemente con Magali R. Mátar algún dos títulos propostos nos que figuran personaxes literarios feministas.
Durante o mes de marzo temos a túa disposición unha mostra bibliográfica desta temática na biblioteca.
Grazas a E. Cubeiro, pola cesión de Menina Poppins 2024 (situada na Rúa Barrie de la Maza, Ferrol).
Recibe un cordial saúdo. |
