Por qué es importante esta petición
O novo regulamento de estranxeiría, aprobado polo Ministerio de Inclusión, Seguridad Social y Migraciones, aprobado o 20 de novembro do 2024 e que entrará en vigor o 20 de maio do 2025 provocará grandes prexuízos para os inmigrantes e para os empresarios que os empregan.
O regulamento obriga a milleiros de persoas inmigrantes con petición de asilo a deixar o seu traballo e pasar á clandestinadade, á "ilegalidade". Leven moito ou pouco tempo traballando en España, a única forma de regularizar a súa situación e desistir da petición de asilo pasando seis meses na ilegalidade, sen poder traballar, é dicir, sen ningunha fonte de ingresos para cubrir as necesidades básicas. A única saída é recorrer á caridade, á solidariedade ou ao traballo ilegal.
O propio regulamento do Goberno, escandaloso paradoxo, fomenta esta terrorífica perspectiva de vivir sen dereitos para estas persoas que, con moito esforzo e sufrimento, teñen conseguido un traballo, aprendido o idioma e están integrándose na sociedade de acollida:
"... podrán solicitar una autorización de residencia por circunstancias excepcionales por razones de arraigo siempre que haxan permanecido en territorio español en situación irregular al menos los seis meses inmediatamente anteriores a la presentación de la solicitud de esta autorización".
Por outra banda, os empresarios que teñen contratado a estas persoas van perder unha man de obra moi necesaria, con grandes dificultades de ser substituída, e, tamén, o investimento feito na formación destes traballadores.
É urxente pero aínda estamos a tempo de evitar este despropósito. Solicitamos que se paralice da entrada en vigor do decreto ou que antes da do 20 de maio, o Goberno realice os cambios pertinentes que impidan as súas consecuencias negativas para as persoas e as empresas.
Firma esta petición
