Xurxo: [O AMOR DE LOBO]
Non era un lobo, era un home rexo
que sempre ouveou por ben,
non levaba martelo ás costas
mais moito golpeou en vida
na bigornia do seu presente
para dar forma ás súas arelas,
arelas de loita e reivindicación
ante a represión sufrida;
Rafael non era un lobo
mais sempre ouveou liberdade.
El era de mans duras,
desas que apertan ben e forte,
desas mans agarimosas
que non só xesticulan
senón que axudan e suman,
era moito de dar a man
e así como entregou altruísmo
entregou digna querenza
co latexar do seu corazón;
Rafael non era un lobo
mais sempre ruxiu de paixón.
Non, non era un lobo
senón un home sobranceiro
que ouveaba de amor á vida,
era unha gorxa latexante
na procura de ecuanimidade,
era un faro de luz intensa
que iluminou camiños…
[19:52, 20/2/2025] Xurxo: Comparto así que así o copias mellor.
[19:52, 20/2/2025] Xurxo: 😘🍀🌟🫂