Saltar ao contido principal

Moaña bota luz sobre o terror franquista vivido na illa de San Simón

Imaxe
De Fuco Buxán

 Investigadoras e investigadores debullaron esta sexta feira, nunha xornada que contou con familiares de presos da illa, o terror vivido en San Simón durante a ditadura franquista.


Perto de 150 persoas déronse cita esta sexta feira no multiusos de Domaio, en Moaña (O Morrazo), que acolleu unha xornada impulsada polo Concello e na que se debullou o terror franquista e o asasinato planificado de presos da Illa, resaltando a necesidade de pórlle fin á banalización e á mercantilización que fai o PP deste espazo que aspira a ser declarado Lugar de Memoria Democrática.


Na mesma estiveron presentes familiares de persoas que estiveron présas na illa e, ademais, participaron investigadoras e investigadores do período no que San Simón foi unha prisión, entre o 15 de outubro de 1936 e o 15 de marzo de 1943. Neste tempo, durante a ditadura franquista, morreron no cárcere 517 persoas, sen contar as sacas nin os presos fusilados fóra da illa.

Pepe Álvarez Castro, Dionisio Pereira, Juan González, Queta Molas, Eva Mejuto e Matías Torre botaron esta sexta feira luz sobre este período, nunha xornada que a edil de Memoria, María Ortega, considerou un"éxito" de participación, cun público que "se mostrou moi belixerante coa postura da Xunta da Galiza, que nega a historia de San Simón".

Refírese así a edil ás afirmacións do deputado do PP no Parlamento galego José Luís Ferro Igrexas, que o pasado 15 de xaneiro, no debate dunha iniciativa socialista para reclamar a constitución do Consello da Memoria Democrática da Galiza, asegurou que o Goberno galego "non tiña constancia desta iniciativa" nin de que "houbese mortes na illa salvo abusos do seu director naquel momento".

Pepe Álvarez Castro, Dionisio Pereira, Juan González, Queta Molas, Eva Mejuto e Matías Torre botaron esta sexta feira luz sobre este período, nunha xornada que a edil de Memoria, María Ortega, considerou un"éxito" de participación, cun público que "se mostrou moi belixerante coa postura da Xunta da Galiza, que nega a historia de San Simón".

Refírese así a edil ás afirmacións do deputado do PP no Parlamento galego José Luís Ferro Igrexas, que o pasado 15 de xaneiro, no debate dunha iniciativa socialista para reclamar a constitución do Consello da Memoria Democrática da Galiza, asegurou que o Goberno galego "non tiña constancia desta iniciativa" nin de que "houbese mortes na illa salvo abusos do seu director naquel momento".

“Creo que a xente quería darlle unha resposta contundente [á Xunta] e iso visualizouse nestas xornadas”, explica a edil a Nós Diario. A veciñanza, explica Ortega, “non está disposta a consentir o negacionismo da historia de San Simón nin tampouco que se sigan a facer actividades [na illa] que son lesivas para a memoria dos presos”.

Coa vista posta na demandada declaración de San Simón como Lugar de Memoria Democrática —que a edil de Memoria de Moaña agarda que sirva para “pór fin a toda esa sen razón das actividades” que se permiten na illa—, o Concello de Moaña continuará a programar actividades mensuais, no marco do programa “Moaña con Memoria”, para continuar a "rescatar" a historia do enclave.