Pola presente, achegamos a actualización do manifesto para a lectura do vindeiro domingo, 9 de febreiro, así como aquelas indicacións de relevancia para a recompilación de imaxes e vídeos durante a xornada de mobilización.
Calquera dúbida que xurda, rogo se indique.
Que saia todo moi ben!
Forza!!
Belén
1. MOBILIZACIÓN "NON AO ESPOLIO DA NOSA TERRA!" 9 FEBREIRO
1.1. Manifesto_9F
Descarga de manifesto 9F: https://docs.google.com/
1.2. Atención a medios
Animamos a reforzar as convocatorias das mobilizacións a través das RRSS. Suxírese utilizar os seguintes hagstag ou cancelos nas publicacións que se fagan: #EólicaAsíNon #
O venres enviaremos un recordatorio da convocatoria aos medios de prensa.
Rógase que en cada zona haxa alguén de contacto para a atención aos medios, no caso de que fixese falla. A tal fin, pregamos enviedes antes do venres o contacto de cada zona a organizacion@adega.gal
Recomendamos a quen atenda aos medios que incida na necesidade de: un novo plan eólico ao servizo do pobo, unha moratoria de proxectos, respecto polas decisións xudiciais e participación social no deseño da nova planificación eólica.
1.3. Fotos e vídeos _9F
O domingo teranse que recompilar imaxes de todas as mobilizacións. Para iso, pídese que en cada zona se designen persoas encargadas de facer fotos e gravar vídeos.
-Fotos: farían falla entre 5 e 10 fotos por zona.
-Vídeos para RRSS: farán falla 2-3 vídeos de menos de 20 segundos e en VERTICAL para as redes sociais.
-Vídeos para postprodución de vídeo colectivo: fará falla un vídeo da LECTURA COMPLETA do manifesto, e outros 3-4 vídeos da concentración como imaxes de recurso. A duración destes últimos vídeos que sexa menor de 20 segundos. Neste caso, os vídeos deben gravarse en formato HORIZONTAL.
As fotos e os vídeos para RRSS deben compartirse antes das 13:30 horas coa Coordinadora Eólica Así Non para que poidan acompañar ao comunicado de prensa. No caso de Campo Lameiro e Sarria, que celebran o acto pola tarde, compartirían as imaxes das concentracións e andaina tamén pola tarde.
Como compartilas?:
1.-Subíndo fotos e vídeos para RRSS a Google Drive na seguinte ligazón: https://drive.google.com/
2.-Enviándoas por whatsapp, ao teléfono 722 70 67 28 (Comunicación ADEGA).
-Atención!!: Os vídeos horizontais e os que excedan os 10 MB, deberán ser enviados por Wetransfer, ao enderezo electrónico eolicaasinon@gmail.com
1.4. Contabilizar participantes_9F
Rógase a cada unha das zonas que antes das 13:30 horas comuniquen o número de manifestantes que asistan a cada concentración ao whatsapp antes indicado: 722 70 67 28 (Comunicación ADEGA).
Sarria e Campo Lameiro, deberán achegar unha estima da participación pola tarde.
1.5. Loxística
Hai bandeiras de Eólica Así Non a disposición nos locais da CIG e ADEGA. Unha das faixas de Eólica Así Non que temos de reserva irá para as concentracións de O Morrazo-Pontevedra, e a outra para Sarria.
Se houber necesidade de megáfonos ou altofalantes, rogamos o indiquedes coa suficiente antelación.
1.6. Consignas
Se vos serven de orientación, tedes acceso ás consignas que se empregaron en anteriores mobilizacións na seguinte ligazón: https://docs.google.com/