🟠 CAMBIOS NO PERSOAL MÉDICO NO CENTRO DE SAÚDE DE SEIXO 🟠
ℹ️ Como moita veciñanza xa saberá, houbo cambios no persoal médico do noso centro de saúde e a Dra Isabel Oujo Fernández xa non consulta no noso centro porque no seu lugar está a Dra Luz López Blanco.
⚠️ Dende que se produciu a xubilación do doutor Martín (verán 2021) a súa praza botou moito tempo sen ter un profesional e algún mes tivemos algún remendo de horas para que pararamos de protestar. Despois de moita loita, en xaneiro de 2023, conseguimos que se contratase a tempo completo, todos os días da semana, á Dra Oujo. Iso si, xa daquela a nosa Plataforma advertiu que era unha interinidade e, polo tanto, como a súa continuidade non estaba asegurada, reclamamos estabilidade nesa praza.
📍 No recente concurso xeral de traslados a praza que fora do Dr Martín ofertouse para que calquera médic@ fixo puidese concursar. Conseguiuna a Dra López que tomou posesión a semana pasada e que antes estivera no Centro de Saúde de Marín. Aínda que con esta médica xa teriamos cuberta novamente a praza, queremos chamar a atención de que a xubilación do Dr Galiano está próxima e que estaremos vixiantes para que se cubra e non ocorra o mesmo que coa praza do Dr Martín porque volveriamos ás protestas.
🤝 Para rematar, gustaríanos dicir que malia que a Dr Oujo chegou nun momento de moitas protestas e desconfianza cara a xerencia e o SERGAS, agradecemos o seu traballo, profesionalidade e compromiso cos pacientes do noso Centro neste ano e 10 meses. Así mesmo, queremos denunciar que nas vésperas de que tivese que abandonar Seixo aínda non sabía onde ía traballar. Non se pode seguir a tratar así aos profesionais, sexan ou non sexan interin@s, porque iso fai que marchen a onde os tratan mellor. Por último, aproveitamos para desexarlle á Dra Oujo que siga desempeñando o seu traballo coa mesma responsabilidade e vocación coa sanidade pública e tamén moita sorte no seu novo destino. Aquí seguiremos defendendo QUE COA NOSA SAÚDE NON SE XOGA 💪🏽
https://www.facebook.com/share/15JcVzFedg/