| 9:38 (hace 3 horas) |  | ||
Para que utiliza Núñez Feijoo a Xunta de Galicia e a Sanidade Pública Galega
1.- Para beneficiar economicamente á súa familia
-Feijóo cede a xestión das 50 residencias sanitarias públicas á empresa Eulen, dirixida pola súa irmá, que tras uns anos as vende ao fondo francés dono de DomusVi, a empresa da nefasta xestión das residencias galegas na pandemia
-Ao longo do seu mandato Feijóo concedeu 34 millóns de Euros á empresa Eulen (3M/ano). Cando colle rumbo a Madrid designa a Rueda, para substituílo na presidencia da Xunta e para continuar coa mesma política de regar a súa familia con cartos públicos. Rueda, alumno avantaxado, adxudicou a Eulen outros 17 millóns en 2 anos (8,5M/ano), a base de concursos amañados e información privilexiada.
-Universal Support, empresa sen vinculación algunha co sector sanitario, cuxo director comercial é o cuñado de Feijóo (irmán da súa parella ), beneficiouse dos fondos anticovid da Xunta, que utilizou o call center de dita empresa como centro de información sobre a pandemia, poñendo ademais en risco a protección dos datos sanitarios dos galegos e galegas
2º.- Para favorecer con diñeiro público a empresas privadas (que recorta da Atención Primaria):
-O Hospital Alvaro Cunqueiro foi construído e xestionado por unha UTE (por decisión de Feijoo nada mais chegar á Xunta) na que participaba a empresa do seu propio conselleiro de obras públicas, Agustín Hernández. Esta obra tivo un sobrecusto de 470 millóns a pesar de reducir en máis dun 30% os recursos previstos no contrato.
-As 400 camas recortadas do proxecto permitiron manter o Concerto Singular co hospital POVISA , ao que paga 75 millóns de euros públicos/ano (800 millóns nos últimos dez anos). Rocio Mosquera, do Grupo POVISA, foi nomeada Conselleira da sanidade por Feijóo para artellar o plan que blindaba o concerto co hospital privado. Todas estas informacións, xa foron denunciadas (incluso no Parlamento Europeo) pola Plataforma SOS Sanidade Pública de Galicia e pola Asociación Galega para a Defensa da Sanidade Pública.
Núñez Feijóo, como outros moitos políticos neoliberais, non ten ningún interese na Sanidade Pública xa que como paciente utiliza a sanidade privada cando ten problemas de saúde, como na súa recente intervención por desprendemento de retina.
Tanto a Xustiza como o Parlamento de Galicia deberían abrir unha investigación para esixir responsabilidades e rematar cunha política que tanto dano esta facendo á Sanidade Pública e á saúde da poboación galega.
Asociación Galega para a Defensa da Sanidade Pública