COMUNICADO DA ASOCIACIÓN CULTURAL FUCO BUXÁN
En relación coa Carta Aberta de Rafael Pillado dando noticia da súa grave enfermidade
consecuencia da súa exposición ao amianto, desde a A. C. Fuco Buxán queremos manifestar
publicamente o noso apoio incondicional no plano persoal ao noso compañeiro e á súa familia e -
paralelamente- comprometernos en cantas accións poidan exercitar con ánimo de dar difusión ao
seu caso para facer visible a gravidade do problema e a súa evidente dimensión social.
No seu momento, a A. C. Fuco Buxán promoveu diversas iniciativas (a fundación de AGAVIDA
entre elas) encamiñadas a mitigar o desamparo das vítimas, o descoñecemento dos seus dereitos
e a denuncia do feito de que a ditadura franquista, de forma irresponsable e co seu coñecido
desprezo pola vida, autorizase a importación e uso sen límites do amianto coa consecuente
contaminación de terras, auga, edificacións, etc. para o enriquecemento dalgúns, de ‘os de
sempre’. Aplicámonos tamén en sinalar as claves actuais deste debate imprescindible e
inaprazable, a pasividade, complicidades e reiterada actitude obstrucionista de quen -xa baixo o
réxime democrático- estigmatizaron o problema con ánimo de impedir o debate, que se coñecese
a súa auténtica magnitude á vez que propiciaban a impunidade dos perpetradores.
O marco da conmemoración do 50 aniversario do 10 de marzo do 72 -Día da Clase Obreira
Galega- é particularmente propicio para continuar nesta tarefa e facer chegar ao conxunto da
sociedade unha mensaxe clara, informado e potente: este non é un problema de fai cincuenta ou
sesenta anos e que incumbe a uns poucos, é de hoxe, aféctanos a todos e a todas sen excepción
e ten uns tremendos custos sociais. O seu coñecemento xeneralizado e a intervención dos
poderes públicos, con todos os seus recursos, é decisiva na articulación de solucións para agora e
de prevención con vistas ao futuro.
O exemplo vital de Rafael Pillado, o seu testemuño irrebatible, é sen dúbida un valioso estímulo
para continuar nesta tarefa que nos propoñemos.
--
En relación coa Carta Aberta de Rafael Pillado dando noticia da súa grave enfermidade
consecuencia da súa exposición ao amianto, desde a A. C. Fuco Buxán queremos manifestar
publicamente o noso apoio incondicional no plano persoal ao noso compañeiro e á súa familia e -
paralelamente- comprometernos en cantas accións poidan exercitar con ánimo de dar difusión ao
seu caso para facer visible a gravidade do problema e a súa evidente dimensión social.
No seu momento, a A. C. Fuco Buxán promoveu diversas iniciativas (a fundación de AGAVIDA
entre elas) encamiñadas a mitigar o desamparo das vítimas, o descoñecemento dos seus dereitos
e a denuncia do feito de que a ditadura franquista, de forma irresponsable e co seu coñecido
desprezo pola vida, autorizase a importación e uso sen límites do amianto coa consecuente
contaminación de terras, auga, edificacións, etc. para o enriquecemento dalgúns, de ‘os de
sempre’. Aplicámonos tamén en sinalar as claves actuais deste debate imprescindible e
inaprazable, a pasividade, complicidades e reiterada actitude obstrucionista de quen -xa baixo o
réxime democrático- estigmatizaron o problema con ánimo de impedir o debate, que se coñecese
a súa auténtica magnitude á vez que propiciaban a impunidade dos perpetradores.
O marco da conmemoración do 50 aniversario do 10 de marzo do 72 -Día da Clase Obreira
Galega- é particularmente propicio para continuar nesta tarefa e facer chegar ao conxunto da
sociedade unha mensaxe clara, informado e potente: este non é un problema de fai cincuenta ou
sesenta anos e que incumbe a uns poucos, é de hoxe, aféctanos a todos e a todas sen excepción
e ten uns tremendos custos sociais. O seu coñecemento xeneralizado e a intervención dos
poderes públicos, con todos os seus recursos, é decisiva na articulación de solucións para agora e
de prevención con vistas ao futuro.
O exemplo vital de Rafael Pillado, o seu testemuño irrebatible, é sen dúbida un valioso estímulo
para continuar nesta tarefa que nos propoñemos.