Ante o pasamento de Eugenio Pereiro Couce a A.C. Fuco Buxán -da que era membro e socio fundador- quere manifestar o seu profundo pesar e a nosa aperta e solidariedade á súa compañeira Mari Carmen García Basani, fillas e demais familia.
Eugenio Pereiro Couce, nado no Trece-Narón, entra a traballar na Bazán; nos anos 50 emigra a Uruguay e, sendo un rapaz que tiña vivido na ditadura franquista, descubre a democracia, os sindicatos e o Partido Comunista.
Volta a España no ano 1969, ingresa en Astano e pasa a formar parte das CCOO, do PCG e da loita polos dereitos dos traballadores e das liberdades democráticas. Sufre dúas detencións en comisaría pola súa actividade política e sindical e, xa no ano 2004, constitúe en Ferrol un Comité de Apoio ó ‘Frente Amplio’ uruguaio.
Volta a España no ano 1969, ingresa en Astano e pasa a formar parte das CCOO, do PCG e da loita polos dereitos dos traballadores e das liberdades democráticas. Sufre dúas detencións en comisaría pola súa actividade política e sindical e, xa no ano 2004, constitúe en Ferrol un Comité de Apoio ó ‘Frente Amplio’ uruguaio.
Pereiro foi un exemplo de compromiso cívico como delegado sindical ó servizo dos traballadores e participando no CPS de San Valentín -do que foi Presidente-. A súa adicación á colectividade e a prol dun mundo máis xusto, libre e solidario tivo o recoñecemento do devandito CPS e da A.C. Fuco Buxán, que o homenaxearon nos anos 2014 e 2015 respectivamente.