Esta primeira semana de xuño, tres actos tres con Fuco Buxán

Para empezar con forza este primeiro mes de verán, Fuco Buxán organiza tres actos na súa primeira semana:

O XOVES 2 de xuño, ás 19:00h, no Centro Cultural Carvalho Calero, o Comité Cidadán de Emerxencia organiza un acto musical, poético e de celebración das sentenzas do Tribunal Supremo contra Reganosa.

Contará con intervencións en apoio á loita contra REGANOSA, como a da a abogada do CCE Patricia Gabeiras, e  no que participarán numerosas Asociacións, Entidades e persoas vinculadas de sempre á defensa da legalidade, da Ría e da Vida




E o VENRES 3 de xuño, ás 19:30h, no Ateneo Ferrolán, turno para un novo acto dentro do Ciclo Democracia e Compromiso. Baixo o título de TTIP: ataque á Europa Social. A democracia secuestrada, contará coa presenza de Xabier Benito, Eurodiputado de Podemos, que axudará a desentrañar as claves que xiran entorno a este escuro tratado de comercio, que ameaza con trastornar as vidas da cidadanía europea e estadounidense para mal.



Xa para rematar, e como se ven facendo dende hai anos, o Comité Cidadán de Emerxencia realizará o SÁBADO 4 de xuño a súa X Marcha a Pé Ferrol-Mugardos, para reivindicar o peche da planta de Reganosa. Partirá ás 17:00h do Parque Carmelo Teixeiro, en Caranza.  Unha edición moi especial, xa que neste caso hai moito que celebrar. Ogallá sexa a última que se faga por este motivo!

Agardamos contar coa vosa presenza!