Saltar ao contido principal

Nosa Enerxía Sociedade Cooperativa Galega

A Asociación Cultural Fuco Buxán, en réximen de autoconvocatoria, convoca a todo o tecido asociativo de Ferrolterra e a cidadáns a nivel particular a acudir a unha charla informativa, nunha reunión social, a prol de integrantes da "Sociedade Cooperativa Galega Nosa Enerxía" no noso local social de Caranza (Rúa Armada Española, nº 32, baixo), para o vindeiro venres día 23 de outubro ás 18:00 horas. Tratarase e informarase sobre as conveniencias do cooperativismo para lograr aforro económico e loitar contra o fascismo enerxético das grandes empresas que actúan e actuaron cos parabéns dos actuais e anteriores gobernantes. 

Acudide!
Prégase e agradécese difusión!

Nosa Enerxía Sociedade Cooperativa Galega

Nosa Enerxía nace como a primeira cooperativa galega que ten por obxecto a comercialización de enerxía eléctrica de orixe renovable certificada, apostando pola sustentabilidade enerxética e por unha xestión transparente. A longo prazo, a cooperativa tamén ten como obxectivo a promoción de proxectos de xeración de enerxía renovable de xeito distribuído, como outro dos pasos para acadar un modelo enerxético 100% renovable. O noso funcionamento está baseado no modelo cooperativo, isto significa que somos unha organización participativa, aberta e xestionada de xeito democrático, onde todas as persoas cooperan para evolucionar cara a unha sociedade máis equitativa e sustentable. Actualmente, estamos a facer as xestións administrativas necesarias para poder comercializar enerxía eléctrica, e a continuación, imos poñer en marcha unha fase de probas, onde subministraremos enerxía ás persoas promotoras da cooperativa, e deste xeito poderemos poñer a punto este servizo. Unha vez finalice esta fase de probas, comezaremos a subministrar enerxía a todas aquelas persoas socias que o desexen.