Asociación Cultural Fuco Buxán

29 N Ocupemos o Obradoiro. Autobuses desde Ferrol



O sábado 29 de Novembro, as Marchas da Dignidade co lema “Ocupemos o Obradoiro”, mobilizaránse desde distintos puntos de Galicia, formando cinco columnas que entrarán en Santiago de Compostela. E no resto dos territorios e nacións do Estado, entre o 24 e o 29N cinco millóns de persoas estarán na rúa contra o réxime corrupto, polo PAN, TRABALLO e TEITO.

Somos moitos e moitas as que imos marchar para defender: o dereito ao traballo ; os dereitos sociais e a renda básica ; o dereito a unha vivenda digna ; os servizos públicos como a sanidade e a educación ; a loita contra a corrupción ; contra o pago da débeda ilexítima que nos afoga ; contra a estafa e o roubo bancario ; contra a Lei mordaza que quere criminalizar a protesta, polo dereito das mulleres a decidir sobre o seu propio corpo, ...
Temos determinación para conseguir un cambio e ímolo demostrar marchando sobre Compostela o 29N.

A Ferrolterra toca-lle formar parte da Columna Norte, xunto con outras comarcas do noroeste galego. As persoas que imos en autobús, en coche, ... e andando, imos-nos reagrupar no Mercado do Gando de Compostela, ás 11 da mañá, antes de dirixir-nos até a Praza do Obradoiro, onde está prevista, ás 12 do mediodía, a concentración na que confluirán as cinco columnas que parten desde diferentes comarcas da Galiza.

Desde as Marchas da Dignidade de Ferrolterra poñemos a disposición das persoas que se queiran desprazar a Compostela autobuses, ao prezo de 5 euros o billete de ida e volta. Para apuntar-se:

Contacta con nós enviando un correo a:
marchasdadignidadeferrolterra@gmail.com

ou chamando ao telefono das Marchas da Dignidade de Ferrolterra:
603 213 863

Desde Ferrol a Compostela:

Acordou-se a saída ás 9 da mañá desde o barrio de Recimil, fronte ao instituto de formación profesional, nas inmediacións do monumento á Solidariedade Obreira – 10 de Marzal (Entre As Pías e as casas Baratas).

Paradas:
- Caranza: 09:05hs.
- Fene (Fronte ao Gadis da Avda. Naturais, 24): 09:10hs.
- Cabanas (Fronte ao Sarga): 09:15hs.

Chegada ao Mercado do Gando ás 10:30hs.

As persoas que non podan ir andando até Compostela, un autobús as levará até a dársena de Xoán XXIII.

Desde Compostela a Ferrol:

Saída entre as 13:30 e as 14:00hs desde a dársena de Xoán XXIII.

O 29N, Ferrolterra Vai!
A+ | a-

Séguenos no Twitter